बार्शी – शहर व परिसरात महाराष्ट्र दिन मोठ्या उत्साहात साजरा करण्यात आला. महाराष्ट्र दिनाचे मुख्य ध्वजारोहण तहसील कार्यालय येथे आमदार दिलीप सोपल यांच्या हस्ते करण्यात आले. यावेळी तहसीलदार एफ.आर. शेख, निवासी नायब तहसीलदार सुभाष बदे, मुख्याधिकारी तैमूर मुलाणी, पोलीस निरीक्षक बालाजी कुकडे, कृषी अधिकारी संतोष कोयले यांच्यासह सर्व शासकीय कार्यालयाचे अधिकारी उपस्थित होते. यावेळी आमदार दिलीप सोपल यांच्या हस्ते छत्रपती शिवाजी महाराज यांच्या पुतळ्यास पुष्पहार अर्पण करत अभिवादन करण्यात आले. यावेळी स्वातंत्र्य सैनिकांच्या वीरमाता, वीरपत्नींचा सन्मान मान्यवरांच्या हस्ते करण्यात आला.
बार्शी नगरपरिषदेच्या प्रांगणात नगराध्यक्ष तेजस्विनी कथले यांच्या हस्ते महाराष्ट्र दिनाचे ध्वजारोहण करण्यात आले. यावेळी मुख्याधिकारी यांच्यासह कर अधिकारी विठ्ठल पाटोळे, नगर अभियंता राहुल अडसूळ, जलदाय अभियंता अजय होनखांबे, आरोग्य विभाग प्रमुख शब्बीर वस्ताद यांच्यासह सर्व विभागाचे अधिकारी, कर्मचारी मोठ्या संख्येने उपस्थित होते.
येथील सुलाखे हायस्कूलमध्ये सुरेश हलमे यांच्या हस्ते ध्वजा रोहन करण्यात आले. यावेळी प्राचार्य रामचंद्र इंगळे, उपमुख्याध्यापक प्रसन्न देशपांडे, पर्यवेक्षिका उज्ज्वला जावळे, पर्यवेक्षक अजय कदम यांच्यासह सर्व शिक्षक उपस्थित होते.
फोटो ओळी
बार्शी तहसील कार्यालयात आ. दिलीप सोपल यांच्या हस्ते ध्वजारोहण करण्यात आले. यावेळी तहसीलदार एफ.आर. शेख उपस्थित होते.
