सोलापूर – आजच्या स्पर्धात्मक व तणावपूर्ण वातावरणात ध्यान करणे महत्वाचे आहे. स्व. महेश अण्णांनी विडी घरकुल भागातील नागरिकांसाठी निर्माण केलेल्या गणेश पिरॅमिडच्या विकास कामासाठी सर्वतोपरी सहकार्य करणार असल्याचे ग्वाही महापौर विनायक कोंड्याल यांनी दिले.
नगरसेवक प्रथमेश कोठे यांनी आपल्या भाषणात सांगितले की, जुना विडी घरकुल भागातील नागरिकांच्या सोयीसाठी माझे वडील महेश अण्णांनी गणेश पिरॅमिडची स्थापना केले. ते दररोज ध्यान करायचे. या गणेश पिरॅमिडच्या सुधारण्यांसाठी मी कायम मदत करणार असल्याचे आश्वासन नगरसेवक प्रथमेश कोठे त्यांनी दिले.
दि सोलापूर पिरॅमिड स्पिच्युअल ट्रस्ट द्वारा हैद्राबाद रोड यशोधरा हॉस्पिटलजवळील श्री गणेश पिरॅमिड ध्यान मंदिर येथे बुध्दपौर्णिमेनिमित्त ध्यान शिबिर कार्यक्रमाचे आयोजन करण्यात आले होते.
सदर कार्यक्रमात सोलापूर महानगरपालिका सार्वत्रिक निवडणुकीमध्ये निवडून आलेले सोलापूरचे प्रथम नागरिक महापौर विनायक कोंड्याल व नूतन निवडून आलेले नगरसेवक प्रथमेश कोठे, सतीश सिरसुल्ला, विनोद भोसले, दिपीका यलदंडी, उज्ज्वला अविनाश दासरी यांच्या भव्य सत्कार कार्यक्रमात ते बोलत होते.
यावेळी ट्रस्टचे पूर्णचंद्र राव, चंद्रशेखर रेड्डी, परमानंद पाटील, निता राव, सीए चंद्रकांत इंजामुरे, नेहा मिरजगावकर, कर्णिकनगर योगा ग्रुपचे योग प्रशिक्षक अरविंद लोणी, सामाजिक कार्यकर्ते साठे सर, श्री सिध्देश्वर योगाच्या योग प्रशिक्षक स्वाती राऊत, अक्कम महादेवी ग्रुपच्या राजश्री तळंगे, संतोष कांबळे, आनंद गांगजी, श्रीनिवास पुला, कविता मिरजगावकर, उन्मनी जंगे, स्मिता दुधनकर, ज्योत्सना दुस्सल, प्रीती सदारंगानी, प्रज्ञा कुलकर्णी, दिपा मेहता, वर्षा कत्ते आदीजण उपस्थित होते.
कार्यक्रमाच्या सुरुवातीस मान्यवरांच्या हस्ते दीपप्रज्वलन करून कार्यक्रमाची सुरुवात करण्यात आली. कार्यक्रमाचे प्रास्ताविक दि सोलापूर पिरॅमिड स्पिच्युअल ट्रस्टचे मॅनेजिंग ट्रस्टी चंद्रशेखर रेड्डी यांनी केले. यावेळी ते म्हणाले की, या विडी घरकुल भागाचे विकासरत्न स्व. महेश अण्णा कोठे हे एक चांगले मित्र होते. त्यांनी येथील नागरिकांसाठी गणेश पिरॅमिड ध्यान केंद्राची स्थापना केली. स्व. महेश अण्णा स्वत: पिरॅमिड मास्टर होते. ते सातत्याने ध्यान करत होते. आपल्या प्रत्येक कार्यक्रमात ते आवर्जून उपस्थित राहत होते. ते ब्रह्मर्षि पितामह पत्रीजीचे आवडते शिष्य होते.
पत्रीजीसोबत इजिप्तच्या पिरॅमिडमध्ये त्यांनी ध्यान केले होते. त्यांचा अभ्यास करूनच महेश अण्णांनी या परिसरातील विद्यार्थ्यांसाठी व नागरिकांसाठी हे गणेश पिरॅमिड ध्यान मंदिर निर्माण केले. या पिरॅमिडच्या इतर अनेक सुधारणा करायच्या आहेत. त्यासाठी महापौर विनायक कोंड्याल, नगरसेवक प्रथमेश कोठे व इतर नगरसेवकांनी सहकार्य करावे, असे प्रास्ताविकात नमूद केले.
हा कार्यक्रम यशस्वी करण्यासाठी रोहित वंगारी, आनंद गांगजी, श्रीनिवास पुला , व्यंकटेश आडम, गणेश म्याकम, ओंकार उटगे, विवेकानंद वंगारी, प्रकाशचंद्र पागुल, अंबादास कट्टा, विपुल आदीनी परिश्रम घेतले.
