शिक्षण प्रसारक मंडळ,मंगळवेढा संचलित इंग्लिश स्कूल मंगळवेढा या प्रशालेची विद्यार्थिनी कु.स्वर्णश्री धनंजय पाटील हिने दहावी बोर्ड परीक्षेत फेरतपासणीत 100%(500 पैकी 500) गुण मिळवून राज्यात प्रथम क्रमांक पटकावला. मार्च 2026 मध्ये झालेल्या दहावी बोर्ड परीक्षेचा निकाल 08 मे 2026 रोजी जाहीर झाला होता. यामध्ये स्वर्णश्री पाटीलने 99.80%(499)गुण मिळविले होते. पण तिला आपणास शंभर टक्के गुण मिळतील असा आत्मविश्वास होता.त्यामुळे प्रशालेचे प्राचार्य रवींद्र काशीद व विषय शिक्षकांनी तिच्या समाजशास्त्र या विषयाचे पुनर्मूल्यांकन व्हावे अशी दहावी बोर्डाकडे विनंती केली.त्यानुसार झालेल्या पुनर्मूल्यांकनात स्वर्णश्री पाटीलला समाजशास्त्र या विषयात एक गुण वाढवून 100 पैकी 100 गुण प्राप्त झाले. यामुळे महाराष्ट्रामध्ये इयत्ता दहावीच्या बोर्ड परीक्षेत स्वर्णश्री पाटीलचा प्रथम क्रमांक आल्याचे दहावीच्या बोर्डामार्फत पत्राद्वारे कळविण्यात आले आहे.तिच्या या यशामुळे संस्था,तालुका व पालकांच्या नावलौकिकात भर पडली आहे
स्वर्णश्री पाटीलच्या या उल्लेखनीय यशाबद्दल संस्थेचे अध्यक्ष अॅड.सुजित कदम, उपाध्यक्ष डॉ.सुभाष कदम,अकॅडमीक अॅडमिनिस्ट्रेटर डॉ.मिनाक्षी कदम,सचिवा डॉ.प्रियदर्शिनी महाडीक,संचालिका व इंग्लिश स्कूल ज्युनिअर कॉलेजच्या उपप्राचार्या प्रा. तेजस्विनी कदम,सहसचिव श्रीधर भोसले,संचालिका अजिता भोसले,खजिनदार राम नेहरवे,संचालक यतिराज वाकळे,अॅड.शिवाजी पाटील,प्राचार्य रविंद्र काशिद,उपमुख्याध्यापक सुनिल नागणे,पर्यवेक्षक सुहास माने,अशपाक काझी,पर्यवेक्षिका लता ओमणे तसेच सर्व शिक्षक,शिक्षिका व शिक्षकेतर कर्मचारी यांनी अभिनंदन केले व पुढील वाटचालीस शुभेच्छा दिल्या.
चौकट –
स्वर्णश्री धनंजय पाटील हिने 100% गुण मिळून दहावी बोर्ड परीक्षेत राज्यात प्रथम येण्याचा मान मिळवला. तसेच तिला गणित व समाजशास्त्र या विषयात 100 पैकी 100 व संस्कृत विषयात 50 पैकी 50 गुण मिळाले आहेत.2025-26 हे शैक्षणिक वर्ष संस्थेचे अमृत महोत्सवी वर्ष असणे आणि 100% गुण मिळवत तीन विषयांमध्ये पैकीच्या पैकी गुण घेऊन स्वर्णश्रीने एक नवा इतिहास रचलेला आहे.त्याचबरोबर पुनर्मूल्यांकनात श्रेयस भास्कर चव्हाण या विद्यार्थ्याला विज्ञान विषयात तीन गुण वाढल्याने 99 गुण झाले व एकूण 97.40% गुण मिळवून प्रशालेतून द्वितीय क्रमांक मिळवला.तसेच ओम उमेश माळी या विद्यार्थ्याचेही पुनर्मूल्यांकनात सायन्स विषयात तीन गुण वाढल्याने एकूण 96.20% गुण झाले. या दोन्ही विद्यार्थ्यांना विज्ञान भाग दोन मध्ये 50 पैकी 50 गुण मिळाले आहेत. इयत्ता दहावी बोर्ड परीक्षेत इंग्लिश स्कूल मंगळवेढा प्रशालेतील तब्बल 36 विद्यार्थ्यांनी 90% च्या पुढे गुण मिळवलेले आहेत.यामध्ये विशेष प्राविण्यासह 147 विद्यार्थी,प्रथम क्लास मध्ये 122 व द्वितीय क्लास मध्ये 112 विद्यार्थी उत्तीर्ण झाले आहेत. प्रशालेतील कु.दीप्ती दत्ता मासाळ या विद्यार्थिनींनी गणित विषयांमध्ये 100 पैकी 100 गुण प्राप्त केले आहे.
