पुढच्या वर्षी लवकर या..च्या जयघोषात साताऱ्यात विसर्जन मिरवणुकीला प्रारंभ

सातारा – सालाबाद प्रमाणे अनंत चतुर्दशीच्या अगोदर एकच दिवस सातारा शहरातील अनेक मान्यवर मंडळांनी वाहतुकीला अडथळा नको तसेच अनंत चतुर्दशी दिवशी होणारी रस्त्यातील गर्दी कमी करण्यासाठी आपल्या मंडळाच्या गणेश मूर्तीला सायंकाळीच विसर्जन मिरवणूक काढून निरोप दिला.

गणपती बाप्पा मोरया, पुढच्या वर्षी लवकर या.. जयघोषात या मिरवणुकीला मोठ्या उत्साहात प्रारंभ झाला. सातारचे माजी नगराध्यक्ष अच्युत गोडबोले तसेच ज्येष्ठ पत्रकार श्रीकांत कात्रे व मंडळाचे अध्यक्ष श्रीकांत शेटे व मान्यवरांच्या शुभहस्ते शंकर पार्वती गणेशाची आरती करून या मिरवणुकीला प्रारंभ झाला .

सातारा शहरातील मानाचे शेटे चौकातील प्रकाश मंडळ यांच्या शंकर-पार्वती गणेशाची मिरवणूक निघाली. यावर्षी प्रकाश मंडळाने साकारलेल्या भव्य देखाव्यातील भव्य प्रतिमा ट्रॅक्टर वर सजवण्यात आली होती त्यापुढे ही पर्यावरण पूरक शंकर-पार्वती गणेशाची मूर्ती फुलांच्या सजावटीत ठेवण्यात आली होती. मान्यवरांच्या हस्ते दीप प्रज्वलन केल्यावर पुष्पवृष्टी करत शंखनाद करत महिलांनी ..गणपती बाप्पा मोरया पुढच्या वर्षी लवकर या..चा जयजयकार केला.पुणे येथील राजकमल ब्रास बँड पथक तसेच रंगावली रांगोळी कलाकारांनी चौकाचौकात काढलेल्या रांगोळ्या विशेष लक्षवेधक ठरक होत्या.

बेलकर्स ग्रुपच्या निनाई देवी ढोल पथकाच्या युवा कलाकारांमध्ये विशेष करून नाकात नथी घालून ढोल वादन करणाऱ्या युवती या मिरवणुकीत विशेष लक्षवेधक ठरत होत्या. त्यानंतर शहरातील मंडईचा राजा मंडळाची निघालेली मिरवणूक ही भव्य दिव्य अशी होती. ढोल व ताशा पथकाच्या कलाकारांनी केलेले ढोल व ताशांचे वादन सर्वसाधारण चे लक्ष वेधून घेणारे होते, गुरुवार पेठ येथील सिद्धिविनायक गणेश मंडळाने आपल्या विसर्जन मिरवणुकीत केलेली फुलांची आरास विशेष लक्षवेधक अशी होती भगवान विष्णूच्या हातातील शंख,चक्र यांचे दर्शन या फुलांच्या सजावटीतून कलाकारांनी रेखाटले होते या पार्श्वभूमीवर सिद्धिविनायक गणेशाची मूर्ती मिरवणुकीमध्ये प्रतिष्ठापित करण्यात आली होती. माची पेठेतील बाल स्फूर्ती मंडळ, यादोगोपाळ पेठेतील अजिंक्यतारा गणेश मंडळ, केसरकर पेठेतील मयूर सोशल क्लब, क्रांती मंडळ, करंज्याचा रजा पोवई नाका परिसरातील लोणार गल्लीतील श्री गणेशोत्सव मंडळ मल्हार पेठेतील गोल्डन मंडळ प्राथमिक शिक्षक सहकारी बँकेच्या कर्मचाऱ्यांनी बसवलेल्या गणेशाची मिरवणूक निघाली. त्याचप्रमाणे सातारा जिल्हा पोलीस मुख्यालयाच्या बाल हनुमान गणेश मंडळाची मिरवणूकही पोलिसांनी साध्या वेशात अगदी धोतर, शर्ट, डोक्यावर टोपी घालून मोरयाच्या जयघोषात काढली.

सातारा शहरातील विसर्जन मिरवणुकी निमित्त अनेक मुख्य रस्ते वाहतुकीसाठी बंद ठेवण्यात आले असून या मार्गावरील वाहतूक पर्यायी मार्गाने वळविण्यात आली आहे सातारा जिल्हा पोलीस दलाचे मुख्य जिल्हा पोलीस प्रमुख व मान्यवर पदाधिकारी या मिरवणुकीच्यासाठी विशेष परिश्रम घेत असून ठीक ठिकाणी सी.सी .कॅमेरे पोलिसांचे गस्त पथक ,होमगार्ड आदी विशेष परिश्रम घेत आहेत .अनंत चतुर्दशी दिवशी सकाळी मानाचा सम्राट महागणपती पंचमुखी मंडळ तसेच मोती चौकातील प्रतापसिंह गणेश मंडळाची मिरवणूक सुरू होईल.

अनंत चतुर्दशीला सायंकाळी पाच वाजता राजवाडा येथून सातारा नगरपालिकेच्या मध्यवर्ती गणेश मंडळाच्या मूर्तीचे आरती व पूजन होऊन मुख्य मिरवणुकीला सुरुवात होईल .यानिमित्त विविध ठिकाणी विसर्जन हौद तसेच विसर्जन तळी उभारण्यात आली असून राधिका परिसरातील मुख्य विसर्जन तयार मोठी महाकाय क्रेन मोठे गणेश मूर्ती विसर्जन करण्यासाठी तैनात करण्यात आली आहे .विशेष विद्युत रोषणाईचा झोतामध्ये दिवस-रात्र हे विसर्जन तसेच त्यासाठी खास म व्यवस्थाही करण्यात आली आहे पालिकेच्या वतीने मूर्तींचे विसर्जनासाठी विशेष कर्मचारी पथक तैनात करण्यात आले आहे.

सातारचे खासदार श्रीमंत छत्रपती उदयनराजे भोसले तसेच ना.श्रीमंत छत्रपती शिवेंद्रसिंहराजे भोसले यांचे वतीने ही कन्याशाळा येथे या विसर्जन मिरवणुकीमध्ये विशेष स्वागत कक्ष उभारण्यात आले असून विविध मंडळांच्या मान्यवरांचे यावेळी या विसर्जन मिरवणूक सोहळ्यात स्वागत करण्यात येणार आहे .

पोलिसांनी डीजे तसेच लेझर लाईट ला बंदी घातली असून रात्री बारापर्यंत मिरवणुकांना वाद्य वाजवण्यास परवानगी देण्यात आली आहे.

अनंत चतुर्दशीच्या आल्या दिवशी मुख्य विसर्जन तळ्यात सातारा येथे53 गणेश मंडळांच्या मूर्तीचे विसर्जन करण्यात आले तर संपूर्ण जिल्ह्यात751 सार्वजनिक मंडळाच्या गणेश मूर्तींना निरोप देण्यात आला .अनंत चतुर्दशी दिवशी जिल्ह्यातील 3342 सार्वजनिक गणेश मंडळांच्या मूर्तीचे व सुमारे एक लाख पाच हजारहून अधिक घरगुती गणेश मूर्तींचे विसर्जन केले जाणार आहे.

=====================================================

फोटो ओळी … 1..सातारा शहरातील प्रकाश मंडळ शेटे चौक यांची शंकर पार्वती गणेशाची निघालेली भव्य मिरवणूक.

शंकर पार्वती गणेशाची आरती करून या मिरवणुकीला प्रारंभ झाला . 2..शेटे चौकातील प्रकाश मंडळाच्या मिरवणुकीमध्ये निनाई देवी ढोल व ताशा पथकाच्या वादनाने सातारकरांना मंत्रमुग्ध केले .3..4..राजकमल पुणे ब्रास बँड चे पथक आणि पुणे येथील रंगावली संस्थेचे कलाकार महारांगोळ्या रेखाटताना .5.. मोती चौकात विविध रंगातील भव्य महा रांगोळी रेखाटून कलाकारांनी अभिवादन केले तो क्षण.6.. क्रांती गणेश मंडळांनी काढलेली गणेशाची बँड चा निनादातील भव्य मिरवणूक सर्व फोटो …अतुल देशपांडे, सातारा.