अक्कलकोट – शहर व तालुक्यातील राजकीय नेत्यांकडे बनावट ,बोगस जातींचे दाखले मोठ्या प्रमाणात आहेत . मूळ लाभार्थी जातींच्या राजकीय हक्कावर अन्याय होत आहे. राजकीय नेत्यांच्या जातींच्या दाखल्यांची जात पडताळणी होणे अंत्यंत गरजेचे आहे . अनेक जात चोरांनी खोट्या जातीच्या दाखल्याचा वापर करून लाभ उठवला आहे . जात चोर राजकीय नेत्यांवर कारवाई करण्याची मागणी नागरिकांतून केली जात आहे .
अक्कलकोट तालुक्यात जाता चोर पुढाऱ्यांनी कळस गाठ ला आहे . जात चोरून राजकीय लाभ उठवुन ती पचविण्यासाठी सर्व प्रकारच्या अडचणी पार करून उथळ माथ्याने फिरणारे महाभाग कमी नाहीत यामुळे अशाची संख्या दिवसागणिक वाढत आहे यामुळे मुळ खऱ्या जाती च्या जनतेवर मोठा अन्न्याय होत असल्याची तक्रार व्यक्त केली जात आहे .
सध्या स्थानिक स्वराज्य संस्थेच्या निवडणुकींचीं धामधूम सुरू आहे. स्थानिक स्वराज्य संस्थेच्या निवडणुकीसाठी आरक्षण सोडत जाहीर करण्यात आले आहे. ओबीसी , एससी , सर्वसाधारण , एसटी प्रवर्गासाठी आरक्षण सोडत काढण्यात आली आहे. या आरक्षणावर डोळा ठेवत अनेक राजकीय नेत्यांनी बोगस जातीचे प्रमाणपत्राद्वारे निवडणुकीत उतरण्याच्या हालचाली सुरू केल्या आहेत. अक्कलकोट तालुक्यात अनेक राजकीय नेत्यांकडे तसेच प्रतिष्ठीत लोकांकडे बोगस जातींचे प्रमाणपत्र आढळले आहे. बोगस जातीचे प्रमाणपत्र देणारी सोनेरी टोळी अक्कलकोट तालुक्यात कार्यरत आहे. बोगस जातीच्या दाखल्याप्रकरणी अनेक नेत्यांचीं चौकशी झाली आहे .
अक्कलकोट तालुक्यात एससी , ओबीसी समाजाचे जातीचे दाखले हे सर्वसाधारण गटातील राजकीय नेत्यांकडे आहेत. बोगस जातीचे दाखले काढून मूळ लाभार्थी जातींवर अन्याय करण्याचा प्रयत्न राजकीय नेत्यांकडून करण्यात येत आहे. ग्रामपंचायत पासून ते पंचायत समिती सदस्य , जिल्हा परिषद सदस्य , नगरसेवक नगराध्यक्ष पदासाठी इच्छुक असणाऱ्या राजकीय नेत्यांकडे बोगस जातीचे दाखले असल्याची चर्चा रंगत आहे. काही राजकीय नेत्यांनी कर्नाटकातील राजकीय आरक्षणाचा संदर्भ देत बोगस जातींचे दाखले काढले आहेत.
अक्कलकोट शहर तालुक्यातील बोगस जातीच्या दाखल्यामुळे मूळ लाभार्थी जातींवर अन्याय होत आहे राजकीय नेत्यांच्या जातीच्या दाखल्यांची चौकशी होणे गरजेचे आहे. स्थानिक स्वराज्य संस्था निवडणुकीसाठी इच्छुक असणाऱ्या सर्वच उमेदवारांच्या जातीच्या दाखल्यांची , जात प्रमाणपत्रांची पडताळणी होणे आवश्यक आहे . बोगस जातीचे दाखले आढळल्यास आजीवन कुठल्याही निवडणुकीस बंदी घालावी अशी मागणी नागरिकांतून केली जात आहे. बोगस जातींचे दाखले असणाऱ्यांवर कडक कारवाई करण्याची मागणी नागरिकांतून केली जात आहे.
