इस्लापूर : लघुपाटबंधारे विभागाच्या माध्यमातून इस्लापूर येथील इस्लापूर किनवट हायवे रोडवरील पूल ते कोसमेट रेल्वे ब्रिज या दोन किलोमीटर अंतरावरील नाल्याच्या सरळीकरणासाठी करण्यासाठी जिल्हा विकास निधीच्या माध्यमातून लाखो रुपयांच्या निधीची मंजुरी प्राप्त झाली. सदरील नाल्यावर सरळीकरणाच्या कामास संबंधित गुत्तेदारांनी सुरुवात केली पण या नाल्यांमध्ये कुठेही दीड मीटर खोदकाम होत नसल्याने या नालासरळीकरणाच्या कामासाठी बाहेरून मटेरियल वाहनाने आणावे लागणार व नाला सरळीकरणासाठी टाकावे लागणार त्यामध्ये आपणास काही उरणार नाही हे गुत्तेदारास कळाल्यानंतर त्या गुत्तेदारांनी एक आगळीवेगळी शक्कल लढवली.
मंजूर असलेल्या नाल्यावरील काम प्रत्यक्षात बंद करून टाकले. व अचानकरीत्या ज्या नाल्याची सरळीकरण दोन वर्षांपूर्वी करण्यात आले होते त्या नाल्याकडे जेसीबी घेऊन आपला मोर्चा वळवल्याचे एक चर्चेचा विषय बनला. स्वतः गुत्तेदारांनी आपला पैसा वाचवण्यासाठी व अगोदरच झालेल्या नालासरळीकरण केलेल्या नाल्यावर काम करून पैसा झटपट कमवण्यासाठी या मार्गाचा अवलंब केल्याचे प्रत्येक्षात पहावयास मिळाल्याचे जिवंत उदाहरण आज घडीला इस्लापूर जनतेस पहावयास मिळत आहे? एकाच रात्रीत मंजूर असलेल्या नाल्याचे काम बंद करून प्रत्येक्षात दुसऱ्या नाल्यावर च्या कामाला कशा पद्धतीने मंजुरी मिळाली हे सुद्धा न उलगडणारे कोडे आहे ?
रातोरात कामाच्या जागेची अदलाबदल करून त्या ठिकाणी तात्काळ दुसऱ्या कामांना मंजुरी देण्याचे धाडस हे किनवट विभागाच्या अधिकाऱ्याने केले हे नवलच म्हणावे लागेल. प्रत्यक्षात कामाची अदलाबदल झालेल्या ठिकाणी कुठलेही नाला सरळीकरण करण्याच्या कामाचा फलक पहावयास मिळाला नाही अंदाजे त्यासाठी किती रक्कम मंजूर झाले हे सुद्धा पहावयास मिळाले नाही कुठेही शासकीय कामांना मान्यता मिळाली असताना व काम चालू करत असताना त्या ठिकाणी त्या कामाचे नाव फलक व अंदाजीत रक्कम नमूद केलेला फलक लावणे अपेक्षित असते पण या नाला सरळीकरण करण्याच्या कामांमध्ये कुठेही हे फलक पाहाव्यास मिळाले नाही महाराष्ट्रात अद्याप पर्यंत कुठेही अशी घटना ऐकावयास मिळाली नाही पण प्रत्येक्षात आदिवासी दुर्गम भाग असलेल्या किनवट तालुक्यात ही घटना पाहावयास मिळाली…………. गुत्तेदार व अभियंत्यांचा पैसे कमविण्याचा नवीन फंडा ……………
एकंदरीत एका रात्रीत कामाची अदलाबदल करून दुसरीकडे मंजुरी देणाऱ्या त्या अभियंत्यास शासनाच्या माध्यमातून खुद मुख्यमंत्र्याच्या हस्ते पारितोषिक देण्यात यावे व खऱ्या अर्थाने कर्तव्यदक्ष असणाऱ्या व एक मुखाने भ्रष्टाचार करण्यासाठी मूकसंमती देणाऱ्या या अधिकाऱ्यांचा सन्मान करण्यात यावा अशा स्वरूपाची मागणी सुद्धा या निमित्ताने या आदिवासी भागातून समोर येत आहे. अशाच पद्धतीचे या अभियंत्याने बनावट कामी कुठे कुठे करण्यास गुत्तेदारांना प्रोत्साहन दिले हे सुद्धा शोधणे आता गरजेचे बनले आहे. रातोरात गुत्तेदार व अभियंते मालामाल बनण्याचा हा नवीन तर फंडा नाही ? ना अशा स्वरूपाची चर्चा या निमित्ताने तालुका भर ऐकावयास मिळत आहेत. संबंधित गुत्तेदार व अभियंताची उच्चस्तरीय चौकशी करण्यात यावी अशा स्वरूपाची मागणी यानिमित्ताने जनतेमधून पुढे येत आहे.
