अक्कलकोट – तीर्थक्षेत्र अक्कलकोट शहराला आदर्श, स्वच्छ आणि विकसित शहर बनवण्यासाठी आम्ही सर्वजण एकत्रितपणे प्रयत्नशील आहोत. अशी ग्वाही नगराध्यक्ष मिलन कल्याणशेट्टी यांनी दिली.
पंडित दीनदयाळ उपाध्याय सभागृह, अक्कलकोट येथे नगरपरिषदेची सर्वसाधारण सभा कर्तव्यदक्ष नगराध्यक्ष मिलन कल्याणशेट्टी यांच्या अध्यक्षतेखाली उत्साहपूर्ण वातावरणात पार पडली. यावेळी नगराध्यक्ष मिलन कल्याणशेट्टी सभेला संबोधन करताना बोलत होते .
सभेमध्ये शहर विकास, धार्मिक परंपरा, नागरिक सुविधा आणि जनहिताच्या विविध विषयांवर सखोल चर्चा करण्यात आली. अनेक महत्त्वपूर्ण ठरावांना मंजुरी देत अक्कलकोटच्या प्रगतीला नवी दिशा देण्यात आली. दर गुरुवारी मांस विक्री बंद करण्याचा ऐत्यासिक निर्णय घेण्यात आला .
सभेतील प्रमुख निर्णय:
मागील सभांचे इतिवृत्त कायम करून प्रलंबित विकासकामांना मंजुरी.
दक्षिण महाद्वार व मुरलीधर मंदिर परिसरातील स्वागत कमानींना कै. कल्याणराव (बाळासाहेब) इंगळे प्रवेशद्वार असे नामकरण करण्यास मान्यता.
खासबाग येथील चौकाचे “धर्मवीर छत्रपती संभाजी महाराज चौक” असे नामकरण एकमताने मंजूर.
अक्कलकोटचे धार्मिक महत्त्व जपण्यासाठी प्रत्येक गुरुवारी शहरातील मांसविक्री बंद ठेवण्याचा ऐतिहासिक निर्णय.
शहरातील पायाभूत सुविधा, स्वच्छता, पाणीपुरवठा आणि सर्वांगीण विकासकामांना गती देण्याचा निर्धार. व्यक्त करण्यात आला
या सभेला मुख्याधिकारी रमाकांत डाके, उपनगराध्यक्ष श्री ऋतुराज राठोड, विविध सभापती, नगरसेवक, अधिकारी व कर्मचारी मोठ्या संख्येने उपस्थित होते.
अक्कलकोट नगरपालिका कडून दर गुरुवारी मास विक्री बंदी करण्याचे ठरविण्यात आले होते. मास विक्रीस काँग्रेसचे दोन नगरसेवक व शिवसेनेचे एक नगरसेवक विरोध दर्शविला आहे
