वेळापूर – मळोली (ता. माळशिरस) आणि परिसरात गेल्या दोन महिन्यांपासून चोरीच्या घटनांमध्ये वाढ झाली असून चोरट्यांनी धुमाकूळ घातला आहे. शेतातील विहिरींचे मोटर पंप, स्टार्टर आणि जनावरे चोरट्यांकडून लक्ष्य केली जात आहेत. वारंवार घडणाऱ्या या प्रकारांमुळे शेतकरी त्रस्त झाले असून, पोलिसांकडून कोणतीही कारवाई होत नसल्याने शेतकऱ्यांमध्ये नाराजी व्यक्त होत आहे.
घुमरे ओढ्यानजीक असलेले शेतकरी अभिजित श्रीमंत जाधव यांचा ७.५ एचपीचा मोटर पंप २ जून रोजी विहिरीतून चोरीला गेला होता. याबाबत वेळापूर पोलीस ठाण्यात रीतसर तक्रार दाखल करूनही पोलिसांना चोरट्यांचा माग काढता आला नाही.२७ जुलै रोजी पुन्हा त्याच विहिरीतून अभिजित जाधव यांचा नव्याने बसवलेला ७.५ एचपीचा मोटर पंप चोरट्यांनी लांबवला. एकाच शेतकऱ्याचा दोन महिन्यात दोनदा मोटर पंप चोरीला गेल्याने मोठे नुकसान झाले आहे.
केवळ एवढ्यावरच न थांबता, आठ दिवसांपूर्वी ज्ञानेश्वर एकनाथ जाधव यांच्या विहिरीवरील मोटर पंपाचा स्टार्टर चोरीला गेला. तसेच अकलूज रस्त्यानजीक घुमरे ओढ्याजवळून निलेश शिवाजी जाधव यांच्या शेतातून चार दिवसांपूर्वी ७.५ एचपीची मोटर चोरीला गेली. याच परिसरातून जयसिंग जाधव यांची गाय देखील चोरट्यांनी लांबवली आहे.
एकापाठोपाठ एक घडणाऱ्या या चोरीच्या घटनांमुळे शेतकरी वर्गामध्ये भीतीचे वातावरण पसरले आहे. तक्रार देऊनही पोलिसांकडून ठोस कारवाई होत नसल्याचा आरोप शेतकऱ्यांकडून केला जात आहे. पोलिसांनी या चोरट्यांचा तात्काळ बंदोबस्त करावा,अशी मागणी मळोली परिसरातील शेतकऱ्यांमधून होत आहे.”दोन महिन्यांत दोनदा विहिरीतील मोटर चोरीला गेल्याने माझे मोठे नुकसान झाले आहे.मळोली परिसरात सतत चोऱ्या होत असून पोलिसांकडे रीतसर तक्रार देऊनही काहीच तपास होत नसेल तर आम्ही दाद कोणाकडे मागायची? वेळापूर पोलिसांनी या चोऱ्यांचा त्वरित छडा लावून शेतकऱ्यांना दिलासा द्यावा.”
केवळ एवढ्यावरच न थांबता, आठ दिवसांपूर्वी ज्ञानेश्वर एकनाथ जाधव यांच्या विहिरीवरील मोटर पंपाचा स्टार्टर चोरीला गेला. तसेच अकलूज रस्त्यानजीक घुमरे ओढ्याजवळून निलेश शिवाजी जाधव यांच्या शेतातून चार दिवसांपूर्वी ७.५ एचपीची मोटर चोरीला गेली. याच परिसरातून जयसिंग जाधव यांची गाय देखील चोरट्यांनी लांबवली आहे.
एकापाठोपाठ एक घडणाऱ्या या चोरीच्या घटनांमुळे शेतकरी वर्गामध्ये भीतीचे वातावरण पसरले आहे. तक्रार देऊनही पोलिसांकडून ठोस कारवाई होत नसल्याचा आरोप शेतकऱ्यांकडून केला जात आहे. पोलिसांनी या चोरट्यांचा तात्काळ बंदोबस्त करावा,अशी मागणी मळोली परिसरातील शेतकऱ्यांमधून होत आहे.”दोन महिन्यांत दोनदा विहिरीतील मोटर चोरीला गेल्याने माझे मोठे नुकसान झाले आहे.मळोली परिसरात सतत चोऱ्या होत असून पोलिसांकडे रीतसर तक्रार देऊनही काहीच तपास होत नसेल तर आम्ही दाद कोणाकडे मागायची? वेळापूर पोलिसांनी या चोऱ्यांचा त्वरित छडा लावून शेतकऱ्यांना दिलासा द्यावा.”
— अभिजित जाधव (बाधित शेतकरी, मळोली)
