सोलापूर – घरामध्ये झोपल्या ठिकाणी एका 38 वर्षाच्या व्यक्तीचा मृत्यू झाल्याची घटना विजापूर रोडवरील रेवण सिद्धेश्वर नगरात रविवारी रात्री साडे आठ वाजता उघडकीस आली.
किशोर शंकर गायकवाड ( वय 38 वर्ष , रा. रेवणसिद्धेश्वर नगर , मोतीबाग , विजापूर रोड , सोलापूर ) असे त्या मयताचे नाव आहे. किशोर गायकवाड हे रविवारी सायंकाळी सात वाजता घरामध्ये झोपले असताना घरच्यांनी त्यांना साडेआठ वाजता उठविण्याचा प्रयत्न केला . मात्र ते काही हालचाल करत नसल्याने त्यांना घरच्यांनी उपचारासाठी येथील शासकीय रुग्णालयात नातेवाईक राहुल भिसे यांनी रात्री दहा वाजता दाखल केले असता डॉक्टरांनी त्यांना मृत घोषित केले .
घरगुती वादातून नवऱ्याने बायकोच्या डोक्यात घातली बाटली
सोलापूर – घरगुती वादातून एका नवऱ्याने बायकोला प्लास्टिकची जाड बाटली डोक्यात घालून व लाथा बुक्याने मारहाण केल्याची घटना नीलम नगर भागातील जमादार वस्ती येथे आज सोमवारी पहाटे साडेबारा वाजता घडली .
रूपाली सचिन जाधव ( वय 35 वर्ष’ रा. नेताजी शाळेसमोर , जमादार वस्ती सोलापूर )असे त्या मारहाण झालेल्या बायकोचे नाव असून आज पहाटे घरामध्ये घरगुती वादातून नवरा सचिन याने त्यांना मारहाण केली . यात डोक्याला जखम व सर्व अंगाला मुकामार लागल्याने त्यांना उपचारासाठी येथील शासकीय रुग्णालयाच्या शेजारी राहुल कुसाळकर यांनी पहाटे दोन वाजता दाखल केले .
