पांडुरंग कारखान्यास लवकरच सी सीएनजी प्रकल्पास मंजूरी

श्रीपूर – मुखमंत्री देवेंद्रजी फडणीस यांनी केंद्र सरकारच्या योजनेतून पांडुरंग कारखान्यास सीएनजी प्रकल्पा साठी मिळवून देण्यास सिफारस केली जाईल असे आश्वासन दिले होते कारखान्याने प्रकल्पासाठीची सर्व कागदपत्रांची पूर्तता केली असून लवकरच प्रकल्पास मंजूरी मिळेल असे प्रतिपादन चेअरमन प्रशांतराव परिचारक यांनी केले .
कर्मयोगी सुधाकरपंत परिचारक पांडुरंग सहकारी साखर कारखान्याच्या वार्षीक सर्वसाधारण सभेत ते बोलत होते .

याप्रसंगी व्हा . चेअरमन कैलास खळे,संचालक दिनकरभाऊ मोरे , सभापति हरीष गायकवाड , उमेश परिचारक , एटोपियनचे कार्यकारी संचालक रोहन परिचारक, प्रणव परिचारक उपस्थित होते
प्रथम कारखान्याचे संस्थापक कै . सुधाकर पंत परिचारक यांच्या प्रतिमेचे पूजन करण्यात आले त्यानंतर झालेल्या सभेतकार्यकारी संचालक डॉ . यशवंत कुलकर्णी यांनी सभेपुढील विषयांचे वाचन केले त्यास सर्व सभासदांनी मंजुरी दिली .
आपल्या भाषणात पुढे बोलताना प्रशांतराव परिचारक म्हणाले की, अल निनो च्या प्रभावामुळे यावर्षी ऊस पीक धोक्यात आले आहे . उजनी धरण भरले असले तरी पाऊस जर झाला नाही तर उजनी धरणाचे पाणी फक्त पिण्यासाठी राखून ठेवले जाईल त्यामुळे पुढील हंगामात लागणी कशा होणार ही चिंता आहे .
असे असले तरी कारखान्याचे संस्थापक सुधाकरपंत परिचारक व जेष्ठ मंडळींनी शेतकरी हीत डोळ्या समोर ठेवून कारभार केला तोच आदर्श पुढे ठेवून कारखाना वाटचाल करीत आहे . आज आपण साखर निर्मिती बरोबर वीज , इथेनॉल यासारखे उपपदार्थ निर्मिती करत असल्याने आपण सक्षम आहोत गतवर्षी एफ आर पी पेक्षा  २०० रु जादा दर दिला आहे .
येणारा कालावधी साखर उद्येगा साठी कसोटीचा आहे आपण सर्वानी मिळून यातून मार्ग काढणे गरजेचे असल्याचे ते म्हणाले .
प्रथम व्हा . चेअरमन कैलास खुळे यांनी उपस्थितांचे स्वागत केले .
या कार्यक्रमात ऊस विकास भूषण व कर्मयोगी आदर्श शेतकरी पुरस्कार प्रदान करणेत आले .
तसेच सेवा निवृत्त कर्मचाऱ्यांना अर्धा तोळ्याची सोन्याची अंगठी देवून सपत्नीक सत्कार करण्यात आला . कार्यकमाचे सुत्रसंचालन डॉ . सुधीर पोफळे यांनी केले .
सभेस मोठ्या संख्येने सभासद उपस्थित होते .