सोलापूर – पंधरावा वित्त आयोगातून मंद्रूप ग्रामपंचायतीने फायबर शौचालय बसविले आहे. शौचालय बसविताना शौचासाठी खड्डा न मारताच फायबर शौचालय बसविण्यात आल्याने बंद पडून परीसरात दुर्गंधी पसण्याची शक्यता आहे. त्यामुळे नागरीकांनी निकृष्ट कामाबद्दल तक्रार केली असून निधी वायफळ गेल्याची चर्चा सुरू आहे. वित्त आयोगाची निधी खर्ची टाकून तब्बल एका वर्षानंतर शौचालय बसविण्यात येत असल्याने प्रशासनाच्या अनागोंदी कारभाराची कहर दिसून येत आहे.
मंद्रूप ग्रामपंचायतीकडून पंधरावा वित्त आयोगातून विविध विकास कामे करण्यात आली . माझी वसुंधरा पुरस्कार मिळालेल्या ग्रामपंचायतीकडून प्लास्टीक साहीत्य वाटप करून शौचालय बसविण्यामुळे नाराजी व्यक्त करण्यात येत आहे. कसिष्ठ अभियंतासह वरिष्ठ अधिकार्यांना ‘मॅनेज’ करून शौचालय बसविण्याअगोदर त्या कामांचे बिल काढण्यात आला आहे. त्यामुळे या कामात मोठ्या प्रमाणात भ्रष्टाचार झाला असून ग्रामपंचायतीकडून माहिती लपविण्यात येत आहे .
मंद्रूपचे प्रभारी ग्रामसेवक नागेश जोडमोटे यांनी पदभार दिल्यानंतर दुसर्याच दिवशी ग्रामपंचायतीकडून विविध ठिकाणी शौचालय बसविण्यात आली आहेत .मात्र ही शौचालय बसवीत असताना कोणत्याही प्रकारचा नियोजन दिसून आले नाही. उघड्यावर रस्त्याशेजारी शौचालय बसविल्याने दुर्गंधीचा त्रास होत आहे. शौचालय निकृष्ठ बसविण्यात आल्याने व मजबूत नसल्याने शौचालय टिकाऊ संदर्भात शंका उपस्थित करण्यात येत आहे.
विकासकामे करण्यापूर्वी सहा महिने अगोदर चुकीच्या पध्दतीने बिल काढणार्या कर्मचारी व अधिकार्यांवर कारवाई करण्याची मागणी होत आहे.
