पंढरपूर – येथील मध्यवर्ती ब्राह्मण संघ व श्री परशुराम सर्पमित्र मंडळ यांचे वतीने श्री परशुराम जन्मोत्सव मोठ्या उत्साहात व भक्तीमय वातावरणात साजरा करण्यात आला. यावेळी भव्य शोभायात्रेचे देखील आयोजन करण्यात आलेले हाते.
परशुराम जयंती निमित्त रविवारी (दि.१९) श्री. व सौ. नितीन कुलकर्णी या उभयतांच्या हस्ते श्रींच्या मुर्तीस अभिषेक व पुजा करण्यात आली. दरम्यान सोमवारी (दि.२०) पंढरपूर मंगळवेढा मतदार संघाचे आमदार समाधान आवताडे व माजी आमदार प्रशांत परिचारक यांचे हस्ते परशुरामाच्या मुर्तींचे पुजन करण्यात आले. त्या नंतर शोभायात्रेस प्रारंभ करण्यात आला. या प्रसंगी
बोलताना आमदार आवताडे म्हणाले की, परशुराम जन्मोत्सवाच्या माध्यमातून मंडळाने समाज प्रबोधनाचे कार्यक्रम हाती घेवून समाजा बरोबरच शहर विकासासाठी देखील पुढाकार घ्यावा असे आवाहन केले.
यावेळी युवानेते प्रणव परिचारक, नगरसेवक ओंकार जोशी, नगरसेवक, भागवत महाजन, नगरसेवक सौरभ थिटे, नगरसेविका मनिषा देशपांडे, डॉ.सुरेंद्र काणे, श्रीकांत महाराज हरिदास, द.ह.कवठेकर प्रशालेचे मुख्याध्यापक व्ही.एम.कुलकर्णी आदी मान्यवरां बरेबरच ब्राम्हण समाज बांधव तसेच भगिनी मोठ्या संख्येने उपस्थित होते. प्रदक्षिणा मार्गावरून श्री भगवान परशुराम यांच्या मुर्तीची शोभायात्रा मोठ्या उत्साहात काढण्यात आली.
यावेळी शाभा यात्रेच्या मार्गावर विविध समाज बांधव व भगिनींनीआपापल्या दुकानांसमोर व घरापुढे सडा रांगोळीने शेभा यात्रेचे स्वागत केले. यावेळीअनेक समाज बांधवांकडून मिरवणूकीत सहभागी झालेल्या आपल्या अन्य समाजबांधवांसाठीपिण्याचे पाणी, सरबताचे वाटप करण्यात आले.
शोभायात्रे मध्ये शहरासह उपनगरा मधील समाज बांधव,भगिनी मेठ्या संख्येने उपस्थित होते. कार्यक्रम यशस्वी करण्यासाठी ओंकार वाटाणे, वैभव कुंभारे, गणेश कुलकर्णी , नितीन कुलकर्णी, मंदार जोशी, आनंद तेंडुलकर, उमेश टोमके-भागवत, गणेश लंके, श्रीराम बडवे, अमित शिरगावकर, महेश आराध्ये, श्रीराम बेणारे, महेशकाळे आणि ब्राह्मण समाजातील पदाधिकारी आणि कायकते यांनी विशेष परिश्रम घेतले.
