सोलापूर – सोलापूर जिल्हा ॲथलेटिक्स असोसिएशनच्या वतीने रविवार, दि. २ ऑगस्ट व सोमवार, दि. ३ ऑगस्ट रोजी एस.आर.पी.एफ. मैदान, विजापूर रोड, सोलापूर येथे सोलापूर जिल्हा ज्युनिअर मैदानी ॲथलेटिक्स स्पर्धांचे आयोजन केले आहे.
या स्पर्धांमध्ये १४, १६, १८ व २० वर्षांखालील मुला व मुलींना सहभाग घेता येणार असून शैक्षणिक संस्था, क्रीडा मंडळे, स्पोर्ट्स क्लब तसेच वैयक्तिक खेळाडूही सहभागी होऊ शकतात. स्पर्धेत सहभागी होणाऱ्या खेळाडूंनी वयाचा पुरावा म्हणून ग्रामपंचायत, नगरपालिका किंवा महानगरपालिकेचा जन्म दाखला अथवा इयत्ता दहावीचे बोर्ड प्रमाणपत्र सोबत आणणे आवश्यक आहे.
स्पर्धेच्या प्रवेशिका रविवारी सकाळी ८:०० वाजल्यापासून स्पर्धा स्थळी स्वीकारण्यात येणार आहेत. या जिल्हास्तरीय स्पर्धेत उत्कृष्ट कामगिरी करणाऱ्या खेळाडूंची निवड आगामी महाराष्ट्र राज्य ज्युनिअर मैदानी ॲथलेटिक्स स्पर्धेसाठी (दि. २७ ते ३० ऑगस्ट, श्री विठ्ठलरावजी चॅरिटेबल ट्रस्ट, डेरवण, जि. रत्नागिरी) केली जाणार आहे.
जिल्ह्यातील जास्तीत जास्त खेळाडूंनी सहभाग नोंदवावा, असे आवाहन असोसिएशनतर्फे करण्यात आले आहे. अधिक माहितीसाठी सचिव राजू प्याटी (मो. ९३२६०५५९४०) यांच्याशी संपर्क साधावा.
——-
