बार्शी – तालुक्यातील श्रीपतपिंपरी फाटा येथून इंजिनिअरिंगच्या विद्यार्थ्याचे अनोळखी व्यक्तीने कशाचे तरी आमिष दाखवून अपहरण केल्याची धक्कादायक घटना घडली आहे. याप्रकरणी बार्शी तालुका पोलिस ठाण्यात अनोळखी आरोपीविरुद्ध गुन्हा दाखल करण्यात आला आहे. अजय दीपक ताकभाते (वय-२०, रा. श्रीपतपिंपरी, ता. बार्शी) असे अपहरण झालेल्या तरुणाचे नाव आहे. याबाबत त्याचे वडील दिपक खासेराव ताकभाते (वय-५२, व्यवसाय – शेती) यांनी बार्शी तालुका पोलीस ठाण्यात फिर्याद दिली आहे. १६ नोव्हेंबर रोजी सकाळी ११ वाजण्याच्या सुमारास अजय हा श्रीपतपिंपरी फाटा (मौजे श्रीपतपिंपरी) परिसरात असताना कोणीतरी अनोळखी व्यक्तीने त्याला कशाचे तरी आमिष दाखवून फूस लावून पळवून नेले आहे. अजय घरी न परतल्याने व शोध घेऊनही न सापडल्याने अखेर वडिलांनी पोलिसांत धाव घेतली.
Views: 10