उमंग’मधून विद्यार्थ्यांना मिळाल्या करियर गाईडलाईन्स

सिंधुदुर्ग, 30 जून (हिं.स.) : सिंधुदुर्ग जिल्ह्यातील ग्रामीण भागातील इ.8 वी ते 12 वी च्या विद्यार्थी ,पालक ,शिक्षक वर्गासाठी उमंग करिअर मार्गदर्शन मेळावा 2024 हा उपक्रम ग्रामीण भागातील टॅलेंटला विविध क्षेत्राची ओळख करुन देणारा स्तुत्य उपक्रम आहे असे प्रतिपादन सिंधुदुर्ग जिल्हा पोलीस अधीक्षक सौरभकुमार अग्रवाल यांनी केले. कुडाळ येथील सिध्दिविनायक हाॅल येथे एमकेसीएल,रोटरी क्लब ऑफ कुडाळ व सिंधुसंकल्प अकादमी कुडाळ आयोजित उमंग करिअर मार्गदर्शन मेळावा उद्घाटन प्रसंगी ते बोलत होते. शनिवारी झालेल्या हा मेळाव्याला विद्यार्थ्यांचा उत्तम प्रतिसाद लाभला. या करियर मार्गदर्शन मेळाव्यातून विद्यार्थ्यांना करियर विषयी गाईडलाईन्स मिळाल्या.

सिंधुदुर्ग जिल्हा पोलीस अधीक्षक सौरभकुमार अगरवाल आणि उपस्थित मान्यवरांच्या हस्ते दीप प्रज्वलन करून आणि रोपट्याला पाणी घालून या उमंग २०२४चे उदघाटन करण्यात आले. यावेळी सिंधुदुर्ग निवासी उपजिल्हाधिकारी मच्छिंद्र सुकटे ,अप्पर पोलीस अधीक्षक ऋषिकेश रावले ,रोटरी डिस्ट्रिक्ट 3170 डिस्ट्रिक्ट गव्हर्नर नासीर बोरसादवाला, नामवंत डाॅक्टर अमेय देसाई, एमकेसीएलचे जिल्हा समन्वयक प्रणय तेली, रोटरी क्लब ऑफ कुडाळ अध्यक्ष दिनेश आजगावकर,सेक्रेटरी डाॅ संजय केसरे,असिस्टंट गव्हर्नर राजन बोभाटे,संजय पुनाळेकर, सचिन गावडे, गजानन कांदळगावकर,रोटरी सेवा प्रतिष्ठान अध्यक्ष ॲड.राजीव बिले, नीता गोवेकर, शशिकांत चव्हाण, सचिन मदने, अभिषेक माने, संजय पिंगुळकर, एकनाथ पिंगुळकर, अमित वळंजू, डाॅ.संजय सावंत, सिंधुसंकल्प अकादमीचे केदार देसाई, भूषण तेजम, सावन जळवी, तेजस पिंगुळकर, प्रीती नेमळेकर आणि अयोध्या नाटकातील कलाकार तसेच एम के सी एल रिजनल मॅनेजर तुषार निकम , मंगेश जाधव, सारथीचे श्री. पाटील व उमेश निकम, सौ सई तेली, का.आ.सामंत ,प्रणाली मयेकर ,डाॅ.विद्याधर तायशेट्ये ,कुडाळ हायस्कूल प्राचार्य दिनेश आजगावकर विघ्नेश खांडेकर, स्नेहल गावडे आदी उपस्थित होते.

कार्यक्रमाच्या सुरुवातीला सिंधुदुर्ग जिल्ह्याचे पोलीस अधीक्षक सौरभ कुमार अग्रवाल यांनी विद्यार्थ्यांना मार्गदर्शन केलं त्यानंतर सिंधुदुर्ग जिल्ह्याचे अप्पर पोलीस अधीक्षक ऋषिकेश रावले यांनी यूपीएससी बद्दल विद्यार्थ्यांना मार्गदर्शन केले. मुंबई येथील नामवंत डॉक्टर अमेय देसाई यांनी विद्यार्थ्यांना भविष्यात पुढे काय करावे, यासंदर्भात विस्तृत मार्गदर्शन केले. या कार्यक्रमाचे प्रमुख पाहुणे रोटरी डिस्ट्रिक्ट 3170 चे गव्हर्नर नासिर बोरसातवाला यांनी रोटरी लीडरशिप युथ अवार्ड अर्थात राहिलाच्या माध्यमातून रोटरी विद्यार्थ्यांसाठी कशाप्रकारे कार्य करते, याची सर्वांना माहिती दिली. बॅरिस्टर नाथ पै कॉलेज मधील प्राध्यापक प्रणाली मयेकर यांनी नर्सिंग मधील विविध करियर्स याविषयी विद्यार्थ्यांना माहिती दिली. त्यानंतर तरुण भारतचे पत्रकार राजेश मोंडकर यांनी पत्रकारितेमधील यशस्वी करिअर याबाबतीत विद्यार्थ्यांना संबोधित केले.

एमकेसीएलचे जिल्हा समन्वयक प्रणय तेली यांनी करिअर कसे निवडावे आर्टिफिशियल इंटेलिजन्सचा समाजात झालेला वापर यासंदर्भात विद्यार्थ्यांना मार्गदर्शन केले. डॉक्टर संजय सावंत यांनी सुरुवातीलाच पॅरामेडिकल कोर्सेस याबाबत विद्यार्थ्यांना माहिती दिली. उद्योजक नितीन वाळके आणि अत्यंत खुमासदार पद्धतीने विद्यार्थ्यांना पठडी बाहेरील करिअर्स यावर मार्गदर्शन केले. करियर घडवताना येणाऱ्या समस्या आणि त्याचा निराकरण कसे करावे, यासंदर्भात कुडाळच्या पोलीस निरीक्षक श्रीमती मृणाल मुल्ला यांनी विद्यार्थ्यांना मार्गदर्शन केले. सुप्रसिद्ध लेखक दिग्दर्शक आणि अभिनेते केदार देसाई यांनी अभिनय आणि त्यातील करिअर याबाबतीत विद्यार्थ्यांना मार्गदर्शन केले. कुडाळचे तहसीलदार वीरसिंह वसावे यांनी एमपीएससी संदर्भात विद्यार्थ्यांना मार्गदर्शन केले. जिल्ह्यातील गणित तज्ञ शिवानंद भिडे यांनी गणित विषयावर अत्यंत सोप्या पद्धतीने मार्गदर्शन केले. कणकवली येथील सुप्रसिद्ध सर्जन डॉक्टर विद्याधर तायशेटये यांनी मेडिकल फील्ड मधील करिअर्स यावर विद्यार्थ्यांना मार्गदर्शन केले आणि गोवा येथील नामवंत मोटिवेशनल स्पीकर रोटेरियन सुभाष साजणे यांनी विद्यार्थ्यांना प्रेरणा देणारे असं उत्तम मार्गदर्शन केले.

करिअर निवडण्यासाठी विद्यार्थ्यांना अत्यंत उपयुक्त असे एम के सी एल करिअर ॲपचे लोकार्पण व करिअर मंत्र वार्षिक माहितीपत्रक प्रकाशन सिंधुदुर्ग जिल्हा अप्पर पोलीस अधीक्षक कृषीकेश रावले यांचे हस्ते करण्यात आले. तसेच एम के सी एल ऑलंपियाड मूमेंट (माॅम) स्पर्धेतील विजेत्या विद्यार्थ्यांचे बक्षिस वितरण मान्यवरांच्या हस्ते करण्यात आले. तसेच महाराष्ट्र शासनाच्या सरसेनापती वीर बाजी पासलकर सारथी संगणक शिकता शिकता कमवा योजनेतील विद्यार्थ्यांचा सत्कार करण्यात आला. यावेळी नृत्य दिग्दर्शक भूषण बाक्रे, शंकर तेजम, तेजस पिंगुळकर, सावन जळवी आदी उद्यान्मुख कलाकारांचाही विशेष सन्मान करण्यात आला.

महाराष्ट्र शासनाच्या छत्रपती शाहू महाराज संशोधन, प्रशिक्षण व मानव विकास संस्था (सारथी) पुणे यांच्या छत्रपती संभाजी महाराज सारथी युवा व्यक्तिमत्व विकास व संगणक कौशल्य विकास प्रशिक्षण कार्यक्रमाअंतर्गत सरसेनापती वीर बाजी पासलकर सारथी संगणक शिकता शिकता कमवा उपक्रमामध्ये सहभागी होऊन स्वकमाईतून 36 विद्यार्थ्यांनी आपल्या पालकांना कृतज्ञतापर भेटवस्तु दिल्याबद्दल सहभागी विद्याथ्र्यांचे प्रमाणपत्र देऊन कौतुक करण्यात आले. याप्रसंगी सारथीचे श्री पाटील आणि सहकारी उपस्थित होते. यावर्षी नीट मध्ये जिल्ह्यात प्रथम आलेल्या सिद्धी शिवानंद भिडे हिचा सत्कार करण्यात आला.

याप्रसंगी इव्हेंट चेअरमन संजय केसरे, एमकेसीएलचे तुषार निकम, कोकण रिजनचे समन्वयक मंगेश जाधव, यांच्या विशेष प्रयत्नाने कार्यक्रम यशस्वी झाला. या कार्यक्रमाला जिल्हाभरातून विद्यार्थ्यांचा उत्तम प्रसिसाद लाभला. सूत्रसंचालन सचिन मदने, निलेश गुरव व देवेंद्र गावडे ,मंगेश गुरव यांनी केले.