मंगळवेढा – चेळेकर गल्ली, नवरंग चौक येथील नवरंग युवक गणेशोत्सव मंडळाने १९६८ पासून पारंपरिक पद्धतीने गणेशोत्सव साजरा करण्याची परंपरा जपली आहे. वर्गणीची सक्ती न करता तसेच डॉल्बी व बँजोला फाटा देत मंडळाकडून दरवर्षी उत्सवाचे आयोजन केले जाते.
कै. गौरीहर वठारे यांच्या अध्यक्षतेखाली मंडळाची स्थापना झाली. मंडळाने आतापर्यंत स्वच्छता अभियान, रक्तदान शिबिर, एड्स जनजागृती, व्याख्यानमाला, रांगोळी स्पर्धा, सांस्कृतिक व धार्मिक कार्यक्रम, सायकल स्पर्धा आदी उपक्रम राबविले आहेत. आतापर्यंत सुमारे ५०१ रक्तदात्यांनी रक्तदान केले आहे.
मंडळाच्या आर्थिक व्यवहारात पारदर्शकता राखली जात असून, गेल्या वीस वर्षांपैकी पंधरा वर्षे दादा टाकणे यांनी खजिनदार म्हणून काम पाहिले. सध्या आशुतोष सुहास चेळेकर हे खजिनदारपदाची जबाबदारी सांभाळत आहेत.
सध्या सचिन बडोदकर अध्यक्ष, रितेश ताड उपाध्यक्ष आणि आशुतोष चेळेकर खजिनदार म्हणून कार्यरत आहेत. मंडळाच्या उपक्रमांसाठी चेळेकर गल्लीतील नागरिक, दुकानदार तसेच मंडळाचे सदस्य स्वेच्छेने सहकार्य करतात. മണ്ഡळाच्या कार्यक्रमांच्या यशस्वी आयोजनासाठी जिल्हा परिषद सदस्य सचिन बिराप्पा जाधव यांच्यासह परिसरातील कार्यकर्ते व सदस्य परिश्रम घेत आहेत.
