तभा वृत्तसेवा
टेंभुर्णी / प्रतिनिधी
महसूल विभागाने काम बंद आंदोलन सुरू केले आहेत. त्यांच्या या कामबंद संपामुळे सामान्य माणूस व शेतकरी बांधवांना याचा मोठा त्रास सहन करावा लागत आहे. अनेकांना उत्पन्न प्रमाण पत्रासह बऱ्याच गोष्टी साठी कागदपत्रांची पूर्तता करण्यासाठी गरज भासते.
त्यामुळे महसूल मंत्री महाराष्ट्र राज्य मार्फत मा. नायब तहसीलदार मंगेश साबळे यांना निवेदन देण्यात आले.
दिनांक 15/07/ 2024 रोजी महसूल कर्मचारी संघटना यांनी बेमुदत काम बंद आंदोलन बाबत,वरील विषयाला अनुसरून महाराष्ट्र नवनिर्माण सेनेच्या वतीने आपणास विनंती करण्यात येते की बेमुदत काम बंद आंदोलनामुळे जाफ्राबाद तालुक्यातील गोरगरीब जनतेची व शेतकऱ्यांची तसेच शैक्षणिक अशा अनेक योजनेचा अडथळा व अडचण निर्माण होणार नाही,त्यासाठी उपाय व पर्याय उपलब्ध करून देण्यात यावा,तसेच मुख्यमंत्री लाडकी बहीण योजना या अशा अनेक योजना महाराष्ट्र शासन व राज्य शासनाकडून राबविण्यात येत असून कुठल्याही लाभार्थ्यांचे नुकसान होणार नाही,
याची दखल आपण वरिष्ठ अधिकारी म्हणून घ्यावी, तसेच वरील संघटनेच्या मागण्या कायदेशीर असल्यास तात्काळ मान्य करून त्यांना न्याय देण्यात यावा, तसेच बेकायदेशीर मागण्या असल्यास संबंधित कर्मचारी यांना तात्काळ कामाला लागण्याचे आदेश आपल्या स्तरावरून देण्यात यावे . अशी मागणी मनसेचे पंढरीनाथ म्हस्के मनसे तालुका सरचिटणीस जाफ्राबाद यांच्या सह संजय शिंदे,संतोष पंडित,सुनील जोशी शहर अध्यक्ष टेंभुर्णी, मंगेश राजपूत तालुका उपाध्यक्ष, तानाजी पाटोळे, संतोष सवडे, उमेश ताठे, गजानन पिंपळे, संतोष पिंपळे आदी पदाधिकारी यांनी निवेदन देऊन मागणी केली आहे
