अकलूज – समृद्धी आणि मांगल्याचे प्रतीक असलेल्या महालक्ष्मी अर्थात ज्येष्ठा आणि कनिष्ठा गौरीचे आगमन अकलूजच्या शंकर नगर येथील पत्रकार चंद्रकांत कुंभार कुटुंबीयांच्या वतीने घरी पारंपरिक पद्धतीने प्रसन्न वातावरणात करण्यात आले.
सायंकाळी तिन्ही सांजेच्या वेळी तुळशी वृंदावनापासून वाजत-गाजत ज्येष्ठा गौरीचे व कनिष्ठा गौरीचे आगमन करण्यात आले. कुंभार कुटुंबात पारंपरिक पद्धतीने आलेल्या महालक्ष्मीच्या मूर्ती मुखवटे तसेच मातीच्या लोटक्याच्या महालक्ष्मीचे आगमन कुंकवाचे ठसे उमटवत करण्यात आले. लहान मुलांनी वाजत-गाजत घरात आगमन केले.
.
कुटुंबातील प्रमुख शामा कुंभार, अपूर्व कुंभार, दीपाली कुंभार, शीतल कुंभार तसेच लहान सदस्य
साक्षी कुंभार, जिजा कुंभार, सिद्धांत कुंभार, यांनी पितळी ताटलीच्या वाद्यासह मंगलमूर्ती मोरया व सोनपावलानी लक्ष्मी आली घरात सुख समृद्धी नांदोदे घरात या जयघोषात घरामध्ये प्रवेश केला. विधिवत पूजन व आरती करून भाजी भाकरीचा नैवेद्य दाखविला व प्रसादाचे वाटप केले
—- सणाच्या खरेदीसाठी बाजारपेठ फुलली —–
दरम्यान बाजारपेठेत गौरीच्या सणानिमित्त मिठाई, फराळ व फुलांचा बाजार सजला होता. महालक्ष्मी साठी लागणारे साहित्य विविध भाज्या विशेषतः शेपूची भाजी पडवळ, काशीफळ भोपळा व इतर16 प्रकारच्या भाज्यांचा नैवेद्य दाखवण्याची काही ठिकाणी पद्धत आहे त्यासाठी विविध भाज्या विक्रीसाठी आल्या आहेत त्याच बरोबर केरसुनी विविध रंगीत रांगोळ्या सुगंधी उदबत्त्या कापूर आणि फराळाची दुकाने सजली होती तर महालक्ष्मी साठी लोखंडी पायाडे, आकर्षक कापडी पडदे, सुंदर व सुबक महालक्ष्मीच्या मूर्ती मुखवटे यांचे स्टॉल आले आहेत भाजी मंडई, जुने बस स्थानक , विजय चौक, जुने पोलीस स्टेशन येथे विक्रेत्यांनी आपली दुकाने लावली होती — फुलांच्या हारांना मोठी मागणी — . सणामुळे फुलांचे बाजार तेजीत होते. पुणे इंदापूर टेंभुर्णी, पंढरपूर, जेजुरी येथून पांढरी शेवंती झेंडू मोठ्या प्रमाणावर आला आहे शेतकऱ्यांकडून झेंडू गुलछडी गलांडा गुलाब सजावटीची लांब दांड्याचा गुलाब, जरबेरा, अष्टर,कर्नेशन आदी फुले मोठ्या प्रमाणावर विक्रीसाठी आले होते निलावामध्ये चढ्या भावाने विक्री झाली तर फुलांचे हार शंभर रुपयांपासून पाचशे रुपयांपर्यंत गुलाबाचा हार हजार ते पंधराशे रुपये पर्यंत होते. मोगऱ्याचे गजरे चारशे रुपये डझन किरकोळ 40 रुपयाला एक गजरा होता पंढरपूर येथून हार विक्रीसाठी मोठ्या प्रमाणावर विक्रेते आले होते , सफरचंद डाळिंब कच्ची केळी मक्याची कणसे यांना मोठी मागणी होती व इतर फळे १०० ते १४० रुपये किलो, पर्यंत विक्रीसाठी होती बाहेर राज्यातून पायनॅपल व मोसंबी मोठ्या प्रमाणावर विक्रीसाठी आली होती.
गेले आठ दिवसापासून गौराईच्या सजावटीमध्ये घरातील सर्व कुटुंब राबताना दिसत आहे गौराईच्या सजावटीच्या स्पर्धा असल्याने अनेक ठिकाणी वेगवेगळे देखावे साकारण्यात येत आहेत परंपरा कायम ठेवीत आधुनिकतेला जोड देत हा सण साजरा होत असल्याचे चित्र दिसत आहे दारामध्ये मोठ्या रांगोळी काढण्यात आले होत्या तर रांगोळ्यांची लक्ष्मीची पावले घरामध्ये उमटवली होती
