पंढरपूर – बारामतीची पोटनिवडणूक बिनविरोध व्हावी यासाठी गरज पडली तर काँग्रेसचे नेते राहुल गांधी यांची भेट घेणार असल्याची माहिती राष्ट्रवादी काँग्रेस पक्षाचे प्रदेशाध्यक्ष सुनील तटकरे यांनी दिली.
बारामती विधानसभा मतदारसंघाची पोटनिवडणूक बिनविरोध करण्यासाठी राष्ट्रवादी काँग्रेस शरदचंद्र पवार पक्षासह इतर पक्षांनी पाठिंबा दिला आहे काँग्रेसनेही तो पाठिंबा द्यावा अशी आमची भूमिका आहे यासाठी गरज पडली तर लोकसभेतील विरोधी पक्षनेते व काँग्रेसचे नेते राहुल गांधी यांची भेट घेऊ.
सध्या आमचे लक्ष बारामती विधानसभा मतदारसंघाच्या पोटनिवडणुकी वरती आहे.
सध्याचे काही महाराष्ट्रामध्ये सुरू आहे त्याविषयी मी आत्ताच काही बोलणार नाही मी केवळ विठ्ठल दर्शनासाठी आलो आहे येत्या चार-पाच दिवसांमध्ये पत्रकार परिषद घेऊन या सगळ्या प्रश्नांना जोरदारपणे मी उत्तर देणार असल्याचेही यावेळी तटकरे यांनी सांगितले.
अजित पवार यांच्या अपघाताबद्दल जो प्राथमिक अहवाल आहे आला आहे त्या अहवालावर आम्ही समाधानी नाही. याबाबतचा अंतिम अहवाल लवकर जाहीर करावा अशी मागणी यावेळी तटकरे यांनी केली.
सुनील तटकरे आज विठ्ठल रुक्मिणीच्या दर्शनासाठी पंढरपूर मध्ये आले होते यावेळी त्यांनी माध्यमांशी संवाद साधला.
