सोलापूर- सहकारमंत्री बाळासाहेब पाटील यांच्या हस्ते शिवा राष्ट्रीय भूषण पुरस्कार हा ड्रीम फाउंडेशन संस्थेला प्रदान करण्यात आला. संस्थापक काशीनाथ भतगुणकी यांनी सहकुटुंब हा सन्मान स्वीकारला. महात्मा बसवेश्वर समता, मन्मथ माऊली यांचे अध्यात्मिक गुरु , राष्ट्रसंत सिद्ध शिवाचार्य महास्वामी यांचे राष्ट्र उभारणी कार्यातून लोकांनी प्रेरणा घ्यावेत असे आवाहन सहकारमंत्री ना बाळासाहेब पाटील यांनी केले.
शिवा राष्ट्रीय भूषण उत्कृष्ठ सेवाधारी संस्था पुरस्कार व विविध क्षेत्रातील मान्यवरांचे पुरस्कार सोहळा
श्रीक्षेत्र कपिलधार येथे बुधवार दिनांक 5 नोव्हेंबर 2025 रोजी सायं 6 वाजता महाराष्ट्र राज्याचे सहकार मंत्री ना बाळासाहेब पाटील, डॉ अर्चना पाटील चाकुरकर व शिवा संघटना राष्ट्रीय अध्यक्ष प्रा मनोहर धोंडे व विविध मान्यवरांच्या शुभहस्ते थाटात वितरण करण्यात आले.
याप्रसंगी ड्रीम फाउंडेशनच्या सचिवा संगीता पाटील, मार्गदर्शक गजरा, गुरूषंत, सुरेश वाघमोडे, गीता वाघमोडे, बसवराज भतगुणकी यांच्या सह ड्रीम फाउंडेशन पदाधिकारी व कार्यकर्ते उपस्थित होते.
ड्रीम फाउंडेशन मागील 20 वर्ष पासून विविध सामाजिक उपक्रम राबवित आहे ग्रामीण भागातील युवकांना स्पर्धा परीक्षा व करियर मार्गदर्शन, युवा कौशल्य विकास, महिलांना भाकरी उद्योग, पर्यावरण जागर उपक्रम,जल साक्षरता संमेलन, सेंद्रिय शेती मार्गदर्शन, विविध विषयावर प्रबोधन व्याख्यान व युवा जागृती उपक्रम राबविले जाते संस्थापक अध्यक्ष काशीनाथ भतगुणकी यांनी सोलापूर ते दिल्ली सायकल प्रवास करून युवा जागृती केले असून ग्रामीण भागातील युवकांना ते महात्मा बसवेश्वर यांचे समतेचे विचार व विविध महापुरू यांचे प्रेरणादायी विचार लोकांना व्याख्यान द्वारे देत आहेत हे कार्य कौतुकास्पद असल्याचे सहकार मंत्री ना बाळासाहेब पाटील यांनी व्यक्त केले.
यावेळी राष्ट्रीय उपाध्यक्ष अभ्यराव कल्लावर राष्ट्रीय सचिव उमाकांत अप्पा शेटे, शिवानंद सारणे, अरविंद भाडोळे पाटील, जिल्हा अध्यक्ष शरणरराज केंगनाळकर, महांतेश पाटील यांच्या सह विविध जिल्ल्यातील शिवा मावळे उपस्थित होते.
