परभणी – मुख्यमंत्री समृद्ध पंचायतराज अभियानांतर्गत कुऱ्हाडी ग्रामपंचायत व श्री क्षेत्र सोहमगड येथे आज भव्य वृक्षलागवड उपक्रम पार पडला. या उपक्रमाचा शुभारंभ महाराष्ट्र राज्याच्या राज्यमंत्री तथा परभणी जिल्ह्याच्या पालकमंत्री आदरणीय सौ. मेघना दीदी साकोरे बोर्डीकर यांच्या शुभहस्ते करण्यात आला.
यावेळी विविध छायादार व फलझाडांची लागवड करण्यात आली.
कुऱ्हाडी गावाचे सुपुत्र उद्धव राखमाजी घुगे यांनी पर्यावरण संवर्धनासाठी लोकसहभागातून पुढाकार घेत स्वखर्चातून व लोकवर्गणीच्या मदतीने झाडे उपलब्ध करून दिली. त्यांच्या या योगदानाचे ग्रामस्थांनी विशेष कौतुक केले.
गावातील तरुणांनी मोठ्या उत्साहाने श्रमदान करून वृक्षलागवड करून पर्यावरण रक्षणाचा संदेश दिला. या उपक्रमात कुऱ्हाडी गावच्या सरपंच सौ. रामकोर गोविंद राठोड, समन्वय समिती सदस्य संतोष गोविंद राठोड यांच्यासह गावातील अनेक तरुणांनी सहभाग घेतला.
यावेळी राहुल लक्ष्मण वाव्हळे, माधव उत्तम राठोड, खुशाल सारंग घुगे, मारुती शेषराव राठोड, अजित सुधाकर आडे, मनोज संतोष राठोड, सचिन जनार्दन जाधव, अचित रामेश्वर घुगे, रितेश विजय राठोड, अभिषेक रघुनाथ राठोड, संतोष सखाराम राठोड, पुंडलिक चव्हाण, दिनेश चव्हाण, गणेश चव्हाण, शुभम चव्हाण, बाळू राठोड, सचिन राठोड व इतर तरुण उपस्थित होते.
या उपक्रमामुळे सोहमगड परिसरातील पर्यावरणीय संतुलन राखण्यात मदत होणार असून, कुऱ्हाडी ग्रामपंचायत हरित विकासाच्या दिशेने महत्त्वपूर्ण पाऊल टाकत असल्याचे ग्रामस्थांनी सांगितले.
