सांगोला – सांगोल्यातील शहीद अशोक कामटे सामाजिक संघटनेच्यावतीने मुंबई हल्ल्यातील शहिदांच्या स्मरणार्थ आयोजित रक्तदान शिबिरात ११९ जणांनी रक्तदान केले. या शिबिराचा शुभारंभ कुर्डूवाडी लोहमार्गचे पोलीस निरीक्षक विनोद घाटे, व सहा.पोलीस निरीक्षक चेतन थोरबोले, रमेश जाधव, अमोल शिवशरण, डॉ.शैलेश डोंबे, नवनाथ शिंदे यांच्या हस्ते करण्यात आले.
महामानव डॉ.बाबासाहेब आंबेडकर व सर्व शहिदांच्या प्रतिमेचे पूजन माजी सैनिक कल्याणकारी संघटनेचे पदाधिकारी, रेल्वे स्टेशनचे अधीक्षक गंगाकुमार सिंह, ॲड.गजानन भाकरे, एचडीएफसी बँकेचे प्रितेश मंथळकर, ॲड.मारुती ढाळे, राजेंद्र यादव, पो.सुहास देशमुख, यशवंत दिघे, राजू बंडगर, विशाल सरवदे, संदीप कोळवले यांच्या हस्ते करण्यात आले.
भारतीय संस्कृती नेहमीच सर्व प्रकारच्या दान व ज्ञानाची संस्कृती राहिलेली आहे. आपल्या रक्तदानाने आपण एखाद्या माणसाचा जीव वाचवू शकतो, यासारखे दुसरे पुण्य नाही. म्हणून सर्वांनी रक्तदान करणे हीच शहीदाना श्रद्धांजली व समाजसेवा असून रक्तदान हे खरे श्रेष्ठ दान असल्याचे मत कार्यक्रमाचे प्रमुख पाहुणे ॲड.गजानन भाकरे यांनी यावेळी व्यक्त केले. सर्वात पुण्याचे काम म्हणजे रक्तदान आहे. त्यासाठी संघटनेच्या सर्व युवकांनी या पवित्र कार्यास सामील होऊन देशसेवा करावी असे आवाहन सहा.पो.नि.चेतन थोरबोले यांनी केले.
सदर कार्यक्रम यशस्वी करण्यासाठी संघटनेचे मकरंद पाटील, मयूर ढोले, ॲड.हर्षवर्धन चव्हाण, मुकुंद हजारे, शारिक तांबोळी, विठ्ठलपंत शिंदे, तेजस कुरकुटे, तोसिफ शेख, प्रा. प्रसाद खडतरे, देवराज पोळ, धनाजी शिर्के, रविंद्र कुलकर्णी यांनी परिश्रम घेतले. कार्यक्रमाचे प्रास्ताविक निलकंठ शिंदे तर सूत्रसंचालन संतोष कुंभार यांनी केले.
