हदगाव / नांदेड – मुख्यमंत्री समृद्ध पंचायतराज अभियानांतर्गत दि.२८.११.२०२५ रोजी जिल्हा परिषद नांदेड, यशदा पुणे , सहाय्यक ट्रस्ट , तालुका वैद्यकीय अधिकारी, प्राथमिक आरोग्य केंद्र यांच्या मार्गदर्शनाखाली सरपंच सौ. शितल गजानन कंठाळे हे अभियान राबवत आहेत.
स्त्री हीच समाजाची खरी शक्ती आहे तिचे आरोग्य सक्षम असेल तरच समाज सशक्त होईल याच विचाराने प्रेरित होऊन हदगाव तालुक्यातील येवली गावाने ॲनिमिया मुक्त गाव करण्याचा जीवनदायी संकल्प केला आहे. ११ ते ४९ वयोगटातील महिला व किशोरवयीन मुलींची हिमोग्लोबिन तपासणी शिबिर आज घेण्यात आले तसेच जिल्हा परिषद केंद्रीय प्राथमिक शाळेमार्फत ॲनिमिया बद्दल घोषवाक्य स्पर्धा घेण्यात आली.
ॲनिमिया म्हणजे काय? त्याचे दुष्परिणाम, बचावासाठी महत्त्वाचे पोषक तत्वे, पौष्टिक आहार, मायक्रोग्रिन्स, सुपर फूड सेंद्रिय परसबाग, बीजसंवर्धन याविषयी मार्गदर्शन प्राथमिक आरोग्य केंद्राचे कर्मचारी, आशाताई ,अंगणवाडी ताई ,शाळेचे मुख्याध्यापक व शिक्षक , ग्रामपंचायत अधिकारी चिरमाडे यांनी केले.गावातील जास्तीत जास्त महिलांनी व किशोरवयीन मुलींनी या आरोग्य शिबिराचा लाभ घेतला.
