मंगळवेढा – मंगळवेढा पोलिस प्रशासनाच्या वतीने कोरोना कालावधीत व अन्य विविध गुन्हयात कारवाई करण्यात आलेल्या 44 मोटर सायकली मूळ मालकांचा शोध घेवून त्यांना परत करण्यात आल्याने सदर मुळ मालकांमधून समाधान व्यक्त होत आहे. दरम्यान,मागील दोन महिन्यापुर्वी 50 मोटर सायकलच्या मालकांचा शोध घेवून त्यांना त्या परत करण्यात आल्या होत्या.
कोरोना कालावधीत मोठया प्रमाणात कोरोना पसरल्यामुळे रस्त्यावर फिरण्यास बंदी घालण्यात आली होती.या दरम्यानही काही मोटर सायकलस्वार निर्भिडपणे रस्त्यावर फिरत असताना पोलिसांनी त्यांच्या गाडया जप्त करून पोलिस स्टेशनच्या आवारात आणून लावल्या होत्या.त्याचबरोबर इतर अन्य गुन्हयातील मोटार सायकली जप्त करण्यात आल्या होत्या.परिणामी पोलिस स्टेशनचे आवार मोटर सायकलीमुळे खचाखच भरल्याचे चित्र होते.
कोल्हापूर परिक्षेत्राचे आय.जी.सुनिल फुलारी,पोलिस अधिक्षक अतुल कुलकर्णी यांच्या सल्ल्याने या गेली अनेक वर्षे धूळ खात मैदानात पडलेल्या मोटर सायकलच्या मालकाचा डी.वाय.एस.पी.डॉ.बसवराज शिवपुजे,पोलिस निरिक्षक दत्तात्रय बोरीगिड्डे आदींनी घेवून संबंधितांच्या ताब्यात 44 मोटर सायकली देण्यात आल्याने मूळ मालकाच्या चेहर्‍यावर आपली गाडी मिळल्याचा आनंद दिसून येत होता.
ओळी- मंगळवेढा पोलिसांनी विविध गुन्हयात जप्त केलेल्या मोटर सायकली मूळ मालकांना परत करताना डी.वाय.एस.पी.डॉ.बसवराज शिवपुजे ,पोलिस निरिक्षक दत्तात्रय बोरीगिड्डे व मुळ मालक छायाचित्रात दिसत आहेत.
—————
भरधाव वेगात मोटर सायकल चालवून ट्रॅक्टरला धडक देवून स्वतःच्या मृत्यूस कारणीभूत ठरल्याप्रकरणी मयत मोटर सायकलस्वाराविरूध्द गुन्हा दाखल
