बार्शी – दि. २८ नोव्हेंबर रोजी न्यू हायस्कूल पिंपळवाडी येथे घेण्यात आल्या. या स्पर्धेत जिल्हा परिषद प्राथमिक शाळा नंबर २ उपळाई (ठों) शाळेने घवघवीत यश मिळविले असून कबड्डी लहान गट मुलीचा संघ प्रथम आला आहे तर लंगडी मोठा गट मुलीनेही बीटमध्ये प्रथम क्रमांक मिळविला आहे.
याचबरोबर १०० मीटर धावण्याच्या स्पर्धेत लहान गट मुले यात सोहम विनोद काळे तर याच गटात मुलीत कु. ईश्वरी कैलास भोरे ही प्रथम आली आहे.
२०० मीटर धावण्याच्या स्पर्धेत लहान गटात कु. समृद्धी सचिन शिंदे हिने प्रथम क्रमांक मिळविला आहे तर २०० मीटर धावण्याच्या स्पर्धेत मोठ्या गटात मुलात संघर्ष सतीश वाघ याने प्रथम क्रमांक मिळविला आहे. या विध्यार्थ्यांना मुख्याध्यापक श्री. अनिल काळे, शाळेतील शिक्षक प्रभाकर काटे, आनंद घाडगे, रामचंद्र बरचे, हरिभाऊ दळवी, श्रीमती वैशाली खुने, श्रीमती बेबीनंदा खडबडे, श्रीमती सुवर्णगौरी शिंदे, श्रीमती मीरा गरड, श्रीमती दिपाली गोरे यांचे मार्गदर्शन लाभले. या यशाबद्दल विस्तार अधिकारी धनाजी जाधवर, केंद्रप्रमुख विलास काळे, शिवाजी कांदे,यांनी अभिनंदन केले आहे.
