अक्कलकोट – तालुक्यातील बासलेगाव येथील श्री जगदंबा देवी मूर्ती प्राणप्रतिष्ठापना डॉ. श्री शिवाचार्यरत्न जयसिद्धेश्वर शिवाचार्य महास्वामीजी यांच्या दिव्य सानिध्यात बुधवार ३ ते ५ डिसेंबर २५ असे विविध धार्मिक कार्यक्रमाचे आयोजन करण्यात आल्याची माहिती श्री तुळजाभवानी मंदिर समिती च्यावतीने देण्यात आली आहे.
बुधवार ३ डिसेंबर रोजी दुपारी तीन वाजता श्री लक्ष्मी मंदिर येथून देवीच्या डोंगराकडे मूर्तीची भव्य मिरवणूक, रात्री भजन, जागरण व पारंपारिक ढोल वाद्यासह जागरण कार्यक्रम त्यानंतर भाविकांसाठी महाप्रसादाचे वाटप होणार आहे.
गुरुवार ४ डिसेंबर रोजी सकाळी आठ वाजता रोगरावरील श्री जगदंबा देवी मंदिर येथून गावातील प्रमुख मार्गावरून जलकुंभ सुहासिनीसह श्री जगदंबा देवी मूर भव्य मिरवणूक संपन्न होणार आहे. दुपारी बारा वाजता मूर्ती प्राणप्रतिष्ठापना कार्यक्रमास सुरुवात होईल व रात्री भजन पारंपारिक ढोलवद्यासह जागरण कार्यक्रम व महाप्रसादाचे वाटप होणार आहे.
शुक्रवार ५ डिसेंबर रोजी पहाटे चार वाजता मूर्तीची मुख्य प्राणप्रतिष्ठापना कार्यक्रमास सुरुवात होईल सकाळी ८ वाजता मूर्तीच्या झाला अभिषेकसाठी गावातील विहीर ते देवीच्या मंदिरापर्यंत भव्य जलकुंभ व महाआरती संपन्न होणार आहे. सकाळी ११ वाजता मंदिरातील मुख्य गर्भग्रहात श्री जगदंबा देवीच्या मूर्तीची प्राणप्रतिष्ठापना कार्यक्रम होईल त्यानंतर दुपारी १२ वाजता आलेल्या सर्व देवी भक्तांसाठी महाप्रसादाची सोय करण्यात आलेली आहे तरी वाचलेगाव सह पंचक्रोशीतील सर्व सदभक्तांनी या कार्यक्रमाचा लाभ घ्यावा असे आवाहन श्री तुळजाभवानी मंदिर समिती व समस्त ग्रामस्थ मंडळ बासलेगाव यांच्या वतीने करण्यात आले आहे
