पंढरपूर – मालेगाव बाँम्बस्फोट खटल्यातून निर्दोष मुक्त झालेले प्रखर राष्ट्रभक्त कर्नल प्रसाद पुरोहित हे शनिवारी (ता.६) पंढरपूर दौऱ्यावर आलेले होते. या वेळी त्यांनी येथील हिंदूमहासभा भवनास भेट दिली. या ठिकाणी कर्नल पुरोहित यांचा यथोचित सत्कार करण्यात आला.
संपुर्ण हिंदूस्थान मालेगाव बाँम्बस्फोटाने हादरले होते. या मालेगाव बाँम्बस्फोटां मागे मुख्य सहभाग असल्याच्या कारणावरुन तत्कालीन सरकारने कर्नल प्रसाद पुरोहित यांच्यावर गुन्हे दाखल केलेले होते. मात्र यतकिचिंतही न डगमगता कित्येक वर्षाच्या न्यायालयीन संघर्षा नंतर अखरे न्यायालयाने या खटल्यातून त्यांची निर्दोष मुक्तता केली.
हेच प्रखर राष्ट्रभक्त कर्नल प्रसाद पुरोहित हे शनिवारी पंढरपूर दौऱ्यावर आलेले होते. यावेळी त्यांनी येथील हिंदूमहासभा भवनास देखील भेट दिली. यावेळी त्यांचे स्वागत व प्रास्ताविक अभयसिंह ईचगांवकर यांनी केले. क्रांतीविर वसंतदादा बडवे यांचे बंधू रामसखा बडवे यांच्या हस्ते पुरोहित यांचा शाल श्रीफळ, हार घालून सत्कार करुन आशीर्वाद देण्यात आला. यावेळी येथील बालाजी महाजन बडवे यांनी सावरकर प्रतिमा भेट दिली. यावेळी सत्काराला उत्तर देताना कर्नल पुरोहित यांनी देशापुढच्या गंभीर समस्या व राष्ट्रभक्त युवक पिढी घडवणेबाबत मार्गदर्शन केले.
याप्रसंगी जेष्ठ पत्रकार विलास उत्पात, वैभव बडवे, भाजपा महिला आघाडीच्या प्राजक्ता बेणारे, मिलिंद उत्पात, रामकाका बेणारे,यशवंत बेणारे, गणेश महाराज कराडकर, गणेश लंके, तुकाराम चिंचणीकर आदी मान्यवर उपस्थित होते. प्रास्ताविक व आभार विवेक बेणारे यांनी केले.
