पंढरपूर – क्रांतीज्योती सावित्रीबाई फुले जयंती यांच्या निमित्त ३ जानेवारी २०२६ रोजी पंचायत समिती पंढरपूर शिक्षण विभागाच्या वतीने रांझणी या ठिकाणी प्रतिवर्षाप्रमाणे किशोरी हितगुज मेळाव्याचे आयोजन करण्यात आले होते. सुरूवातीला अध्यक्षा श्रेया नरसाळे , ईश्वरी भोसले माजी शिक्षक आमदार दत्तात्रय सावंत, आमदार समाधान अवताडे यांच्या पत्नी अंजली आवताडे, आमदार राजू खरे यांच्या पत्नी तृप्ती खरे तसेच नुतन नगराध्यक्षा डॉ.प्रणिती भालके, सरपंच स्वाती दांडगे, शाळा व्यवस्थापन समिती अध्यक्षा स्वप्नाली दांडगे, गटविकास अधिकारी अमोल जाधव, गटशिक्षणाधिकारी मारुती लिगाडे यांच्या उपस्थितीत सावित्रीबाई फुले यांच्या प्रतिमेचे पूजन आणि दीपप्रज्वलन करून करण्यात आले. जळोली शाळेचे शिक्षक ज्ञानेश्वर दुधाणे आणि विद्यार्थ्यांनी स्वागतगीत आणि ईशस्तवनी कार्यक्रमाला सुरुवात झाली.
कार्यक्रमाचे प्रास्ताविक गटशिक्षणाधिकारी मारुती लिगाडे यांनी करताना सांगितले की. सावित्रीबाई फुले यांच्या मुळे महिलांच्या जीवनात कर्तुत्ववान बनत असताना अनेक महिला सर्व क्षेत्रात उल्लेखनीय कामगिरी करत आहेत याचा आम्हांला सार्थ अभिमान आहे.
त्यानंतर दत्तात्रय सावंत,अंजली अवताडे, तृप्ती खरे, डॉ प्रणिती भालके, निरिजा परिचारक, गटविकास अधिकारी तसेच या कार्यक्रमाच्या अध्यक्षस्थानी जळोली शाळेची विद्यार्थिनी श्रेया नरसाळे, सरकोली शाळेची विद्यार्थिनी भोसले आदी प्रमुख पाहुणे म्हणून उपस्थित होत्या. या सर्वांनी सावित्रीबाई फुले यांच्या कार्याचा गौरव करत प्रत्येक मुलीने जीवनात अनेक अडचणींवर मात करत शिक्षण पूर्ण केले पाहिजे. महिला सक्षम झाली तर दोन्ही कुळाचा उध्दार करते. कुटुंब सुशिक्षित करते, त्यामुळे प्रत्येक मुलीने शिक्षण घेत जीवनात यशस्वी होऊन देशाची सेवा केली पाहिजे. आता विविध क्षेत्रात ही अनेक महिला आपलं नाव कमवत उल्लेखनीय कामगिरी करीत असल्याचे सांगितले.
त्यानंतर जीवनात यशस्वी झालेल्या महिलांच्या मुलाखती, मुलींसाठी चित्रकला स्पर्धा, रांगोळी स्पर्धा, पोस्टर स्पर्धा आयोजित करण्यात आलेल्या होत्या,तसेच सांस्कृतिक कार्यक्रमांमध्ये जळोली, रांझणी, शेवते, सुस्ते, रोपळे,आदी शाळेच्या विद्यार्थी विद्यार्थिनी सहभाग नोंदवला होता.
या कार्यक्रमाला पंढरपूर तालुक्यातील अनेक शाळांमधील विद्यार्थी मोठ्या संख्येने उपस्थित होते. कार्यक्रमाचे सुत्रसंचलन शरद चटे यांनी केले.आभार व्ही.एस.चव्हाण यांनी मानले. यावेळी प्रशांत ननवरे यांनी योगाची प्रात्यक्षिके सादर केली. सविता दुधभाते यांनी सावित्रीबाई फुले यांच्या कार्याची महती सांगितली.पंढरपूर स्वरपंढरी टीमने गीतमंच विविध कृतीयुक्त गाणी सादर केली.
कार्यक्रम यशस्वी करण्यासाठी ओझेवाडी केंद्रप्रमुख हणुमंत भोसले, चळे केंद्रप्रमुख प्रभाकर घाडगे, मुख्याध्यापक सुभाष यलमार व शिक्षक शिक्षकेतर कर्मचारी, पंचायत समिती कार्यालयातील सर्व सहकारी आदींनी अधिक परिश्रम घेत किशोरी हितगुज मेळावा यशस्वी केला.
