बार्शी – श्री शिवाजी शिक्षण प्रसारक मंडळ संचलित कॉलेज ऑफ एज्युकेशन बार्शी अंतर्गत गुणवत्ता हमी कक्ष व माजी विद्यार्थी कल्याणकारी संघ क्रीडा व शारीरिक शिक्षण विभाग पुण्यश्लोक अहिल्यादेवी होळकर सोलापूर विद्यापीठ पी.एम. उषा, महाराष्ट्र खो खो असोसिएशन आणि सोलापूर खो खो अम्युचर यांच्या संयुक्त विद्यमाने कर्मवीर डॉ. मामासाहेब जगदाळे यांच्या १२३ व्या जयंतीनिमित्त आयोजित राज्यस्तरीय निमंत्रित महिला खो खो स्पर्धेचे आयोजन मंगळवार दि. २० जानेवारी ते गुरुवार दि. २२ जानेवारी या तीन दिवसांच्या विभागीय निमंत्रित महिला खो खो स्पर्धेचे शानदार उद्घाटन बार्शीच्या नगराध्यक्ष सौ. तेजस्विनीताई कथले बार्शी यांच्या हस्ते उद्घाटन संपन्न झाले. सदर कार्यक्रमासाठी प्रमुख पाहुणे म्हणून सौ रेश्मा तांबारे नाईकवाडी, उपअधीक्षक, भूमी अभिलेख बार्शी या उपस्थित राहिल्या. अध्यक्षस्थान संस्थेचे सचिव पी टी पाटील यांनी भूषविले. यावेळी प्रमुख उपस्थिती म्हणून प्रा. डॉ. चंद्रजीत जाधव, सरचिटणीस, महाराष्ट्र खो खो असोसिएशन, संस्थेचे उपाध्यक्ष नंदन जगदाळे, देबडवार, कॉलेजचे प्रभारी प्राचार्य डॉ. विष्णू शिखरे आदी मान्यवर उपस्थित होते. यावेळी व्यासपीठावर माझी प्राचार्य डॉ. सी एस मोरे, डॉ. दिलीप मोहिते डॉ. एस एम लांडगे स्पर्धा सचिव प्रा. डॉ. स्मिता सुरवसे, सहसचिव प्रा. डॉ. सुभाष मारकड आदी उपस्थित होते.
यामध्ये धाराशिव, सांगली, पुणे ,ठाणे, सोलापूर व रत्नागिरी अशा सहा जिल्ह्यातील एकूण आठ संघ सहभागी झाले आहेत.
क्रीडा स्पर्धेचे उद्घाटन सौ. तेजस्विनीताई कथले बार्शी, यांनी कर्मवीर मामांच्या कार्याचे मनापासून कौतुक केले. तसेच महिलांचा सन्मान वाढवीत नारी शक्तीचा गौरव केल्याबद्दल अभिनंदन केले. खेळातून आत्मसन्मान, प्रेरणा प्रोत्साहन मिळते. यश व अपयशाचा विचार न करता खेळाचा सन्मान होतो असे गौरवोद्गार काढले. प्रमुख पाहुणे मा. सौ.रेश्मा तांबारे- नाईकवाडी यांनी दैनंदिन जीवनात वर्तमान स्थितीत ताण-तणाव वाढला आहे अशी भावना व्यक्त केली. त्याचबरोबर त्यातून मुक्त होण्यासाठी मैदानी खेळाला अत्यंत महत्त्व आहे अशी भूमिका मांडली.
कार्यक्रमाचे अध्यक्ष पी टी पाटील यांनी संस्थेने राज्यस्तरीय विविध मैदानी सामन्यांचे आयोजन केल्याचे सांगितले. त्याचबरोबर संस्थेद्वारे घेण्यात आलेल्या विविध स्पर्धांचा आढावा घेतला. कर्मवीर डॉ. मामासाहेब जगदाळे यांना खेळाविषयी अत्यंत आवड असल्याचेही व्यक्त केले. तसेच भविष्यात अनेक विविध स्पर्धांचे आयोजन करण्याची भूमिका विशद केली.
््प्मु््प्म पाहुण्यांचा परिचय स्पर्धा सचिव प्रा. डॉ. एस एस सुरवसे यांनी करुन दिला. उपस्थित मान्यवरांचे आभार बी.एड. विभाग प्रमुख प्रा. डॉ. रविराज फुरडे यांनी मानले. कार्यक्रमाचे सूत्रसंचालन प्रा. डॉ. परमेश्वर पाटील व प्रा. डॉ लाजवंती राठोड यांनी केले.
