सोलापूर – महाशिवरात्रीनिमित्त अक्कलकोट रस्त्यावरील वीरतपस्वी मंदिराचे, मंदिर परिसरात असलेल्या श्रीशैल पीठाचे आद्य जगद्गुरु पंडिताराध्य शिवाचार्य महास्वामीजी यांच्या लिंगोद्भव मूर्तीचे व तिच्याभोवती असलेल्या १००८ शिवलिंगाचे दर्शन घेऊन लाखो भाविक धन्य झाले.
श्री बृहन्मठ होटगी संस्थेच्या वतीने श्री १००८ जगद्गुरु पंडिताराध्य, विश्वाराध्य जयंती व महाशिवरात्र महोत्सव काशी जगद्गुरु डॉ. मल्लिकार्जुन विश्वाराध्य शिवाचार्य महास्वामीजी यांच्या मार्गदर्शनाखाली विविध धार्मिक कार्यक्रमाने संपन्न झाली . रविवारी सकाळी ६.०० वा. अक्कलकोट रस्त्यावरील श्री वीरतपस्वी मंदिरातील पंचमुखी परमेश्वर लिंगास व ७.०० वा. बाळीवेस येथील मठात श्री १००८ जगदाचार्य मूर्तीस, महारुद्राभिषेक, सहस्त्रबिलवारचंन महामंगलारती करण्यात आली. ८.०० वा. थोबडे यांच्या वाड्यातून श्री पंडिताराद्य लिंगोद्भव मूर्तीचे मठात आगमन झाल्यानंतर रथपूजा करून श्री १००८ जगद्गुरु पंडिताराध्य व विश्वाराध्य मूर्तीच्या सवाद्य मिरवणुकीला प्रारंभ झाला.
बैलजोडी, शंकराची मूर्ती, रेणुकाचार्यांची मूर्ती, जगद्गुरु पंडिताराजांची प्रतिमा, जगद्गुरु विश्वाराद्यांची प्रतिमा, रथ, शिवलिंगाची व श्री वीरतपस्वीजींची प्रतिमा, सनई, चौघडा, हलगी, बँड आदी पारंपारिक वाद्यासह ही मिरवणूक उत्तर कसबा, होटगी मठ ,मल्लिकार्जुन मंदिर, मंगळवार पेठ पोलीस चौकी, कुंभार वेस, मधला मारुती ,कन्ना चौक, जोडबसवणा चौक , पाण्याची टाकी, अक्कलकोट नाका या मार्गाने एमआयडीसी येथील श्री वीरतपस्वी मंदिरात चिटगुपाचे गुरुलिंग शिवाचार्य महास्वामीजी यांच्या सानिध्यात मिरवणुकीची सांगता झाली.
या मिरवणुकीत संस्थेच्या विविध प्राथमिक, माध्यमिक, उच्च माध्यमिक, अध्यापक व शिक्षण शास्त्र महाविद्यालयातील विद्यार्थ्यांचे झेंडा पथक, टिपरी ,लेझीम, झांज पथक, पारंपारिक वेशभूषेतील नृत्य पथक विविध आकर्षक गणवेशात खेळाचे प्रात्यक्षिक सादर करीत होते सायंकाळी ७.००वा.दीपोत्सव कार्यक्रम, रात्री ९.०० वा. वीरतपस्वी पालखीचे पूजन करण्यात आले. त्यानंतर मंदिराच्या प्रांगणातून वीरतपस्वी पालखीची मिरवणूक काढण्यात आली. रात्री ९.३० वा. शोभेच्या दारूकामाने कार्यक्रमाची सांगता झाली. मंदिरात रात्री भजन, १२.१८ ते १.१८ पर्यंत विशेष महाअभिषेक पूजा संपन्न झाली.
मिरवणूक मार्गावर मिरवणुकीत सहभागी झालेल्या विद्यार्थी व भक्तासाठी मधला मारुती व्यापारी संघटना, डी.एन. सुगंधी, हरी ओम विणकर बाग बहुउद्देशीय संस्था आदि सामाजिक संघटनानी उपवासाच्या फराळाचे व पाण्याची व्यवस्था केली होती .मिरवणुकीत हजारोंच्या संख्येने भक्त सहभागी झाले होते .कार्यक्रम यशस्वी होण्यासाठी संस्थेचे सर्व पदाधिकारी, विविध शाखांचे प्राचार्य, मुख्याध्यापक, उपमुख्याध्यापक, पर्यवेक्षक, शिक्षक -शिक्षिका व शिक्षकेतर कर्मचारी आदींनी प्रयत्न केले.
महाशिवरात्रीनिमित्त दरवर्षी भाविकांची वाढती गर्दी लक्षात घेता यावर्षी संस्थेकडून दर्शनी भागात व मंदिरात बेरीगेट्स लावण्यात आलेले होते .दर्शनासाठी येणाऱ्या पुरुष व स्त्रिया यांचे स्वतंत्र रांग करण्यात आलेली होती. पार्किंगची व्यवस्था व पोलिसांच्या चोख बंदोबस्ताबरोबरच विविध ठिकाणी संस्थेतील कर्मचाऱ्यांची नियुक्ती करण्यात आलेली होती. त्यामुळे तोबा गर्दी असूनही भाविकांना व्यवस्थित दर्शन घेता आले. संस्थेच्या या शिस्तबद्ध नियोजनाचे भाविकांनी कौतुक केले.
१लाख भाविकांना प्रसादाचे वाटप
श्री बृहन्मठ होटगी संस्थेच्या वतीने महाशिवरात्रीच्या मंगल दिवशी सकाळी ८.०० वाजल्यापासून रात्री १०.००पर्यंत दर्शनासाठी येणाऱ्या भक्तांना श्री वीरतपस्वी अन्नछत्रात प्रसादाची व्यवस्था करण्यात आलेली होती. १ लाखापेक्षा जास्त भाविकांनी या प्रसादाचा लाभ घेतला.
रांगोळीतून साकारले महादेवांची व वीरतपस्वीजींची प्रतिमा-
महादेवाचे निसिम भक्त असणारे मल्लिनाथ जमखंडी यांनी प्रतिवर्षाप्रमाणे यंदाही वीरतपस्वी मंदिरात १५×१५ फूट आकाराचे जटाधारी महादेवाचे व हतुर ता. द. सोलापूर येथील वर्षा वाले येणे १५×२२ फूट आकाराचे वीर पस्वी चन्नवीर शिवाचार्य महास्वामीजी यांची प्रतिमा रांगोळीतून साकारून आपली सेवा समर्पित केली. मिरवणुकीत एस व्ही. सी. एस. हायस्कूल भवानी पेठ येथील विद्यार्थ्यांनी ‘पर्यावरण वाचवा’ हा जनजागृतीचा संदेश दिला विद्यार्थी फलक घेऊन सामील झाले होते.
दर्शनाबरोबर भावगीतांचा लाभ-
यंदाच्या वर्षी संस्थेकडून प्रसिद्ध कलाकार अतुल बेले यांच्या ‘संगीत संध्या’या भाव-भक्ती गीतांच्या कार्यक्रमाचे आयोजन केलेले होते. दर्शन व महाप्रसाद झाल्यानंतर भाव-भक्ती गीतांच्या कार्यक्रमाचा आनंदही भाविकांनी घेतला.
