पंढरपूर – महाशिवरात्री निमित्ताने बेलीचा महादेव सेवा परिवारांच्या वतीने बेलीच्या महादेवाच्या मंदिरासमोर महाराष्ट्रातील ख्यातनाम गायिका अंजली गायकवाड अंगद गायकवाड ज्योती गोराणे यांची स्वर पूजा महादेवा चरणी संपन्न झाली सुरुवातीला शंभू महादेवाचे दर्शन घेऊन कार्यक्रमाला सुरुवात केली कार्यक्रमाचे प्रस्ताविक श्री ज्ञानेश्वर दुधाने यांनी करून श्री बेलीचा महादेव सेवा परिवाराच्या वतीने तीन दिवस सामाजिक बांधिलकी म्हणून विविध उपक्रम घेतले त्यामध्ये मोफत आरोग्य शिबिर मोफत नेत्र रोगनिदान शिबिर, रक्तदान शिबिर, आणि सांस्कृतिक चळवळ वाढावी या उद्देशाने महाराष्ट्रातील ख्यातनाम गायिका अंजली गायकवाड यांचा “शिवशंभो” हा भजन संधेचा कार्यक्रम आयोजित करण्यात आला होता.
सुरुवातीला गायिका अंजली गायकवाड, अंगद गायकवाड,ज्योती गोराणे, यांचे स्वरात गणेश वंदना मंगलमूर्ती श्री गणराया,सोहम हर डमरू बाजे,ए भोळ्या शंकरा,शंभो शंकरा करुणा करा,भाग्यदा लक्ष्मी बारम्मा,आवडत बेलाच पान,वृंदावनी वेणू,आदी सुंदर अभंगरचना गात शेवटी अवघा रंग एक झाला या अजरामर भैरवी गायली.त्यांना तितकीच सुंदर साथसंगत तबला सोहम गोराणे शाम गोराने पखवाज ज्ञानेश्वर दुधाणे हार्मोनियम अंगद गायकवाड टाळ माऊली पिसे यांनी केली.
यावेळी हजारो शिवभक्तांनी या भजनसंध्येचा आनंद घेत ओम नमः शिवाय नामाचा गजर केला. सोमवार रोजी दुपारी बेलीचा महादेव सेवा परिवार वतीने सर्व भक्त भाविकांना महाप्रसाद आयोजन करण्यात आले होते.कार्यक्रम यशस्वी करण्यासाठी श्री बेलीचा महादेव सेवा परिवार यांनी परिश्रम घेत कार्यक्रम यशस्वी केला.
