बार्शी – सालाबादप्रमाणे याही वर्षी छत्रपती संभाजी महाराजांच्या जयंतीनिमित्त जय शिवराय प्रतिष्ठानच्यावतीने कृतीतून जयंती साजरी करण्याच्या उद्दिष्टाने जाणीव गोशाळेसाठी सोहळा हजार पाचशे रुपये कर्तव्य निधी प्रमुख मार्गदर्शक सर्वश्री किरण कोकाटे, सचिन ललवाणी, राजन (दादा) ठक्कर, अजय पाटील, ऍड. गणेश हांडे, राजेश राऊत, कार्याध्यक्ष राहुल वडेकर, सचिव विनीत नागोडे, जय शिवराय प्रतिष्ठान सर्व सदस्य यांच्या उपस्थितीमध्ये जाणीव गोशाळेचे वसंत (मामा) हवलदार, दास मस्के व सर्व सदस्य यांच्याकडे सुपूर्द करण्यात आला,
जय शिवराय प्रतिष्ठानकडून अनेक वर्षापासून महापुरुषांचा जयंती उत्सव समाज हिताच्या कृतीतून करण्याच कार्य जय शिवराय प्रतिष्ठानच्यावतीने केले जाते, याचबरोबर गोरक्षणासाठी जय शिवराय प्रतिष्ठानच्या संकल्पनेतून शेतकऱ्याच्या बांधावरची भाकड गोधन कसायाकडे न जाता गोशाळेत सांभाळण्यात यावं ही संकल्पना जाणीव गोशाळेने अत्यंत कठीण परिश्रम घेऊन प्रचंड मेहनत घेऊन सातत्यात उतरवली व शेतकऱ्यांच्या बांधावरचे भाकड गोधन गोशाळेत सांभाळण्याच्या उद्दिष्टाने जाणीव गोशाळा सुरु केली आणि या माध्यमातून त्यांनी अनेक गोधन वाचवण्याचे व ते सांभाळण्याचे अत्यंत अवघड असणारे कार्य अखंडपणे सुरु आहे.
जाणीव फाउंडेशनच्या माध्यमातून गेल्या अनेक वर्षापासून गोधन वाचवणे व ते गोधन इच्छुक व्यक्तीच्या घरी सांभाळण्यासाठी देणे हा अत्यंत प्रभावी उपक्रम हाती घेतला आहे. या उपक्रमाला पाठबळ देण्याच्या उद्दिष्टाने जय शिवराय प्रतिष्ठानच्यावतीने दरवर्षी जाणीव गोशाळेसाठी खारीचा वाटा म्हणून एक कर्तव्य निधी दिला जातो. तो निधी दरवर्षी छत्रपती संभाजी महाराजांच्या जयंतीचा अवचित साधून दिला जातो. याही वर्षी १४ मे छत्रपती संभाजी महाराजांच्या जयंतीचे अवचित साधून जय शिवराय प्रतिष्ठानच्यावतीने जाणीव गोशाळेसाठी १२ हजार १०० रुपये कर्तव्य निधी देण्यात आला. यावेळी जय शिवराय प्रतिष्ठानचे सदस्य व जाणीव गोशाळेचे सदस्य उपस्थित होते.
अशा प्रकारे समाजहिताच्या कार्यातून जयंती उत्सव साजरे झाले पाहिजे, असे मनोगत तेथील मान्यवरांनी व्यक्त केले. या सामाजिक कार्यातून जय शिवराय प्रतिष्ठानच्यावतीने छत्रपती संभाजी महाराजांच्या जयंतीनिमित्त त्यांना अभिवादन करण्यात आले.
