अक्कलकोट – वंचित बहुजन आघाडीच्या वतीने अक्कलकोट शहरात विविध मागण्यांसाठी सोमवारी बैलगाडी जन आक्रोश मोर्चा काढण्यात आला. या जन आक्रोश मोर्चाची सुरुवात एवन चौकातून करण्यात आली. शहरातील जुने तहसील कार्यालय , फत्तेसिंह चौक , मेन रोड , कारंजा चौक , विजय कामगार चौक ते बस स्थानकापर्यंत जन आक्रोश मोर्चा काढण्यात आला. या जनअक्रोश मोर्चात शेतकऱ्यांच्या शेतमालाला भाव नाही , खतांचे वाढलेले दर , पेट्रोल डिझेल गॅसचे वाढलेले दर , बेरोजगार तरुणांना रोजगार मिळावा , नीट पेपर फुटी , लाडकी बहिण योजनेसाठी अनुसूचित जातीचा वळविण्यात आलेला निधी अशा विविध जनसामान्यांच्या प्रश्नांवर प्रकाश टाकत वंचित बहुजन आघाडी तर्फे जन आक्रोश मोर्चा संपन्न झाला. या जन आक्रोश मोर्चात केंद्र आणि राज्य शासनाचा निषेध करण्यात आला. वंचित बहुजन आघाडीच्या जन आक्रोश मोर्चात बैलगाडी घेऊन शेतकरी सहभागी झाले होते. या मोर्चाला उपस्थित असणारे वंचित बहुजन आघाडीचे राज्याचे नेते मंडळी यांनी मार्गदर्शन करून शासनाच्या धोरणावर टीका केली. या जन आक्रोश मोर्चात राष्ट्रीय कार्यकारणी सदस्य डॉक्टर नितीन ढेपे , राज्य उपाध्यक्ष डॉक्टर अनिल जाधव , एडवोकेट सर्वजित बनसोडे , राज्य उपाध्यक्ष प्राध्यापक सोमनाथ साळुंखे ,जिल्हाध्यक्ष चंद्रशेखर मडीखांबे , तालुका अध्यक्ष विशाल ठोंबरे ,सम्यक विद्यार्थी आंदोलन राज्य प्रवक्ता रविराज पोटे ,यशवंत इंगळे , बबन गायकवाड , भारतीय बौद्ध महासभेचे तालुकाध्यक्ष साहिल कांबळे , युवक आघाडीचे तालुकाध्यक्ष शीलामणि बनसोडे ,कामगार आघाडीचे तालुकाध्यक्ष सिद्धार्थ बनसोडे ,अमृत सोनकांबळे , नितीन शिवशरण, शिवाजी चौगुले युवक शहराध्यक्ष संदीप बाळशंकर, प्रकाश शिंदे, गौतम गायकवाड, विश्वजीत भालेराव, श्याम बनसोडे, संतोष बाळशंकर, नागेश हरवाळकर, चन्नू शिंगे, आनंद मोरे, संतोष घाटगे, खाजाप्पा एवळे आदींसह पदाधिकारी , कार्यकर्ते , शेतकरी बांधव , महिलावर्ग मोठ्या संख्येने उपस्थित होते.
