आमदार सचिनदादा कल्याणशेट्टी यांच्या वाढदिवसानिमित्त २००‎ गरजू कुटुंबांना‎ दिवाळी फराळ किटचे‎ वाटप

सोलापूर – दुष्काळी परिस्थितीमुळे आर्थिक‎ संकटाचा‎ सामना‎ करणाऱ्या शेतकरी आणि शेतमजूर कुटुंबांच्या‎ चेहऱ्यावर‎ दिवाळीचा आनंद फुलविण्याच्या उद्देशाने‎ अक्कलकोट विधानसभा मतदारसंघाचे आमदार सचिनदादा कल्याणशेट्टी यांच्या वाढदिवसानिमित्त‎ सामाजिक बांधिलकी‎ जपत‎ एक स्तुत्य उपक्रम राबविण्यात‎ आला.‎ प्रभाग‎ क्रमांक‎ २२‎ चे भाजपा नगरसेवक किसन‎ जाधव आणि ईच्छा भगवंताची परिवाराच्या‎ वतीने‎ अक्कलकोट‎ शहरातील‎ कोळी वस्ती‎ गोल चौक‎ येथे २००‎ गरजू‎ शेतकरी, शेतमजूर आणि आर्थिकदृष्ट्या दुर्बल‎ कुटुंबांना दिवाळी‎ फराळ‎ किटचे‎ वाटप‎ करण्यात आले.‎ वाढदिवसाचा‎ अनावश्यक‎ खर्च टाळून‎ गरजवंतांच्या घरात‎ आनंदाचा‎ दिवा पेटविण्याचा‎ हा उपक्रम विशेष‎ कौतुकास्पद ठरला‎ दिवाळीच्या पहिल्या दिवशी‎ वसुबारसेनिमित्त शिवपुरी येथील स्वामी शिवानंद योगेंद्र‎ गोवंश केंद्रात गाय‎ व वासराचे विधिवत पूजन करून गोवंशासाठी चारा‎ वाटप‎ करण्यात‎ आले.‎ त्यानंतर कोळी वस्ती‎ गोल‎ चौक येथे फराळ किटचे‎ वाटप‎ करण्यात आले.‎ यावेळी‎ बोलताना‎ नगरसेवक‎ किसन‎ जाधव यांनी‎ आमदार‎ सचिनदादा कल्याणशेट्टी‎ यांच्या‎ कार्याचे‎ मनापासून कौतुक‎ केले.‎ ते‎ म्हणाले,‎ अक्कलकोट नगरीचा विकास‎ ही‎ केवळ‎ घोषणा‎ नसून‎ प्रत्यक्ष‎ कामातून‎ दिसणारी वस्तुस्थिती आहे.‎ देशभरातून लाखो‎ भाविक‎ श्री‎ स्वामी समर्थ महाराजांच्या दर्शनासाठी‎ अक्कलकोटमध्ये‎ येतात.‎ अशा‎ पवित्र नगरीला‎ सुंदर, विकसित आणि‎ आधुनिक स्वरूप देण्यासाठी सचिनदादा सातत्याने प्रयत्नशील‎ आहेत.‎ त्यांच्या‎ दूरदृष्टीमुळे अक्कलकोटचा चेहरामोहरा‎ बदलत‎ असून, त्यांच्या विकासाभिमुख‎ कार्याला‎ मनापासून सलाम!‎ त्यांनी आमदारपदावरून नामदारपदापर्यंत‎ झेप घ्यावी, हीच‎ आमची‎ मनःपूर्वक सदिच्छा आहे.‎ तसेच यावेळी‎ किसन‎ जाधव यांनी‎ ब्रह्मांडनायक श्री स्वामी‎ समर्थ महाराजांच्या चरणी नतमस्तक होत‎ आमदार सचिनदादा कल्याणशेट्टी‎ यांच्या दीर्घायुष्यासाठी साकडं घातलं.‎ त्यांच्या सूचनेनुसारच गरजवंतांची‎ दिवाळी‎ गोड करण्याचा‎ हा उपक्रम‎ राबविला‎ आहे.‎ सामाजिक‎ कार्यकर्ते‎ शिवराज गायकवाड यांनीही संकटकाळात गरजूंच्या पाठीशी‎ उभे राहणे हीच‎ खरी माणुसकी आणि‎ सामाजिक बांधिलकी‎ असल्याचे सांगितले याप्रसंगी‎ युवा‎ नेते‎ चेतन नागेश अण्णा‎ गायकवाड, हिंदू‎ धर्मरक्षक प्रथमेश पवार, सामाजिक‎ कार्यकर्ते रुद्रय्या‎ स्वामी,‎ राजू ब्रदर जाधव, सिकंदर शेख,‎ उमेश जाधव,‎ अमोल जगताप,‎ फिरोज‎ पठाण,‎ हुलगप्पा‎ शासम‎ आदी उपस्थित होते.