कुरुल – मार्च २०२६ मध्ये घेण्यात आलेल्या राज्यस्तरीय इंग्रजी व्याकरण परीक्षेचा निकाल नुकताच जाहीर झाला आणि त्यात मोहोळ तालुक्यातील कुरुल गावाची कन्या विराज्ञी अण्णासाहेब जाधव हिने थेट राज्यात पहिली रँक पटकावली. श्रद्धा इंग्लिश मीडियम स्कूल, मोहोळ या शाळेत इयत्ता आठवीमध्ये शिकणाऱ्या वि राज्ञीनीने २०० पैकी २०० गुण मिळवत हे यश मिळवले आहे.
अभ्यासू वृत्ती, सातत्य आणि इंग्रजी भाषेतील गोडी यांच्या जोरावर विराज्ञी नीने या परीक्षेसाठी विशेष मेहनत घेतली. शाळेतील सलमान मुल्ला, विद्याराणी पवार, रूपाली कोकाटे, पौर्णिमा सुरवसे, प्राजक्ता अरबळकर, मिलन ढेपे या शिक्षकांचे मार्गदर्शन, पालकांचा पाठिंबा आणि तिची स्वतःची जिद्द या त्रिसूत्रीवर तिने अभ्यास करत हे स्वप्न साकारले. निकाल जाहीर होताच संपूर्ण शाळेत जल्लोषाचे वातावरण निर्माण झाले. शाळेचे संस्थापक अध्यक्ष सुनील झाडे, व्यवस्थापिका धरती पाटील, मिलन ढेपे, मुख्याध्यापक विना कदम आणि शिक्षकांनी तिचे अभिनंदन करत तिच्या उज्ज्वल भविष्यासाठी शुभेच्छा दिल्या.
या यशामागे सततचा प्रयत्न आणि वेळेचे योग्य व्यवस्थापन असल्याचे वि राज्ञीनीने नमूद केले. “हे यश फक्त सुरुवात आहे. इंग्रजीत प्रावीण्य मिळवून देशासाठी काहीतरी मोठं करायचं आहे,” असे ती आत्मविश्वासाने म्हणाली.
तिच्या या यशाबद्दल आमदार राजु खरे, राष्ट्रवादीचे नेते उमेश पाटील, राजमुद्रा प्रतिष्ठान चे नामदेव निकम, माऊली निकम, ग्रामपंचायत सदस्य यांनी तिचे आदींनी अभिनंदन केले.
