बार्शी – बार असोसिएशनच्या (वकील संघ) सन २०२६ – २७ या वर्षाकरिता झालेल्या अध्यक्षपदी ऍड. रणजीत गुंड, उपाध्यक्षपदी ऍड. अक्षय पाटील, सचिवपदी ऍड. प्रकाश साखरे, ऍड. अक्षय पाटील तर लायब्ररी चेअरमनपदी ऍड. अमोल आलाट विजयी झाले. खजिनदारपदी ऍड. सुरज राऊत तसेच मॅनेजमेंट कमिटीच्या पाच सदस्यांची बिनविरोध निवड झाली आहे. बार्शी बार असोसिएशनच्या अध्यक्ष, उपाध्यक्ष, सचिव व बार लायब्ररी चेअरमन पदासाठी सोमवारी (दि.३० मार्च) सकाळी १० ते सायंकाळी ५ यावेळेत बार्शी दिवाणी न्यायालय येथील बार रुममध्ये मतदान प्रक्रिया पार पडली.
एकूण ३८२ मतदारापैकी ३५२ मतदारांनी मतदान केले. मतदान झाल्यानंतर सायंकाळी मतमोजणी करण्यात आली व निकाल जाहीर करण्यात आला.
अध्यक्षपदासाठी ऍड. रणजीत गुंड विरुद्ध ऍड. शीतल काकासाहेब गुंड यांच्यात दुरंगी लढत झाली. यामध्ये ऍड. रणजीत गुंड यांना २८० तर ऍड. शितल गुंड यांना ७० मते पडली. रणजीत गुंड हे तब्बल २१० मतांनी विजयी झाले. उपाध्यक्षपदासाठी चुरशीने मतदान झाले. ऍड. उषा पवार यांना ७१, ऍड. शबाना मुकेरी यांना ५६ तर ऍड. अक्षय पाटील यांना २१८ मते पडून ऍड. पाटील विजयी झाले.
सचिव पदासाठी दुरंगी लढत झाली यात ऍड. केदार पाटील यांना १६६ तर ऍड. प्रकाश साखरे यांना १७३ मध्ये पडली ऍड. साखरे हे ७ मतांनी विजयी झाले. बार लायब्ररी चेअरमन पदासाठी ऍड. अमोल आलाट व ऍड. अविनाश गायकवाड यांच्यात चुरशीने दुरंगी सामना झाला यात आलाट यांना १९१ तर गायकवाड यांना १५० मते मिळाली.
