सांगोला – तालुक्यातील अनेक शेतकरी आपल्या शेतीत नवनवीन प्रयोग करण्यासाठी मार्गदर्शन मिळावे म्हणून तसेच नवनवीन विकसित केलेली संकरित फळझाडे आणण्यासाठी डॉ.बाळासाहेब सावंत कोकण कृषी विद्यापीठ, दापोली येथे जात असतात. तसेच तालुक्यातील हजारो पर्यटक कोकणात निसर्ग दर्शन घ्यायला जात असतात. सांगोल्यातून दापोलीला जाणाऱ्या शेतकरी आणि पर्यटकांची सांगोला ते दापोली या नवीन बसमुळे चांगली सोय होईल असा विश्वास माजी आ.दिपकआबा साळुंखे पाटील यांनी व्यक्त केला.
मंगळावर दि.१४ एप्रिल रोजी भारतरत्न डॉ.बाबासाहेब आंबेडकर यांच्या जयंतीदिनी सांगोला आगारातून सांगोला ते दापोली ही नवीन बस सुरू करण्यात आली. या बसचे उद्घाटन प्रसंगी दिपकआबा साळुंखे पाटील बोलत होते. यावेळी भाजपचे शिवाजीराव गायकवाड, नवनाथ पवार, सांगोला आगारप्रमुख विकास पोफळे, शहीद अशोक कामटे संघटनेचे अध्यक्ष निलकंठ शिंदे व सर्व पदाधिकारी तसेच आगारातील अधिकारी, कर्मचारी, मोठ्या संख्येने प्रवासी उपस्थित होते. यावेळी चालक आणि वाहक यांचा सत्कार करण्यात आला.
