२०२४ मध्येही क्रिकेटचं क्रिकेट, नवीन वर्षात टीम इंडिया किती सामने खेळणार? जाणून घ्या संपूर्ण वेळापत्रक

२०२४ मध्ये टीम इंडिया कोणकोणत्या संघांविरुद्ध खेळणार आहे, याचे संपूर्ण वेळापत्रक येथे जाणून घ्या.

भारतीय क्रिकेट संघ २०२३ या वर्षात भारतीय संघाने क्रिकेटमध्ये चांगली कामगिरी केली, पण पुन्हा एकदा आयसीसी ट्रॉफी जिंकण्यात त्यांना यश आले नाही. नवीन वर्षात भारतीय संघाचा पहिला सामना दक्षिण आफ्रिकेविरुद्ध होणार आहे. मात्र, दक्षिण आफ्रिकेविरुद्धची ही कसोटी मालिका भारत जिंकू शकणार नाही, कारण या २ सामन्यांच्या कसोटी मालिकेत दक्षिण आफ्रिकेने पहिली कसोटी जिंकली आहे. त्यामुळए जरी भारताने दु,री कसोटी मालिका जिंकली तरीही दक्षिण आफ्रिकेत कसोटी मालिका न जिंकण्याचा हा रेकॉर्ड भारताच्या नावे कायम राहणार आहे. त्यामुळे आता टीम इंडिया २०२४ साली कोणकोणत्या संघांविरुद्ध खेळणार आहे, चला जाणून घेऊया टीम इंडियाचे संपूर्ण वेळापत्रक.

भारतीय संघ नवीन वर्षातील पहिली मालिका अफगाणिस्तानविरुद्ध खेळणार आहे. ११ जानेवारी ते १७ जानेवारी दरम्यान तीन टी-२० सामन्यांची ही मालिका खेळवली जाणार आहे. २०२४ मध्ये भारतीय संघ यूएसए आणि वेस्ट इंडिजमध्ये होणारा टी-२० विश्वचषकही खेळणार आहे. टी-२० विश्वचषकाशिवाय अफगाणिस्तान, इंग्लंड, श्रीलंका, बांगलादेश, न्यूझीलंड आणि ऑस्ट्रेलियासोबतही वेगवेगळ्या फॉरमॅटच्या मालिका खेळवल्या जाणार आहेत.