सोलापूर : महामानव डॉ. बाबासाहेब आंबेडकर ट्रेड युनियन, सोलापूर महानगरपालिका पेन्शनर संघटना व सोलापूर म्युनिसिपल स्टाफ असोसिएशन यांच्या वतीने सोलापूर महानगरपालिकेचे नूतन महापौर विनायक कोंड्याल यांचा आज सन्मानपूर्वक सत्कार करण्यात आला.
महापालिका येथे आयोजित या कार्यक्रमात कामगार संघटनांच्या पदाधिकाऱ्यांनी महापौर विनायक कोंड्याल,उपमहापौर ज्ञानेश्वरी देवकर, सभागृह नेते नरेंद्र काळे, यांचा सत्कार करण्यात आला. तसेच नगरसेवक अनंत जाधव, नगरसेवक विनोद भोसले, नगरसेवक बिजू प्रधाने, नगरसेवक मनिष केत, नगरसेवक सत्यजीत वाघमोडे तसेच नगरसेविका वंदना गायकवाड यांचाही संघटनेच्या वतीने सत्कार करण्यात आला. या कार्यक्रमास अध्यक्ष बापू सदाफुले, माऊली पवार, विठ्ठल सोनकांबळे, श्रीनिवास रामगल, अरुण म्हेत्रे, इकबाल तडकल, जनार्दन शिंदे, चांगदेव सोनवणे, सायमन गट्टू, दिलावर मणियार,रेश्मा तलफदार अंजली काकडे सोनबा सदाफुले महेश खोडक, राम चंदनशिवे, सुनील शिंदे, धनाजी लोंढे,एफ.एम.चव्हाण संजय जोगदनकर यांसह विविध कामगार संघटनांचे पदाधिकारी व कर्मचारी मोठ्या संख्येने उपस्थित होते.
यावेळी कामगार नेते बापू सदाफुले म्हणाले, महानगरपालिकेतील रोजनदारी कर्मचाऱ्यांना कायम करण्याचा प्रश्न प्रलंबित आहे. तसेच २४९ कर्मचाऱ्यांना कायम करण्याबाबतचा प्रस्ताव शासनाकडे प्रलंबित असून तो लवकर मंजूर होण्यासाठी पाठपुरावा करावा, अशी मागणी त्यांनी केली.
महापौर विनायक कोंड्याल म्हणाले, महानगरपालिकेतील कर्मचारी व कामगार हे शहराच्या विकासातील महत्त्वाचे घटक आहेत. त्यांच्या विविध प्रश्नांबाबत प्रशासनाशी समन्वय साधून सकारात्मक निर्णय घेण्याचा प्रयत्न केला जाईल. तसेच पेन्शनर संघटनेचेही विविध प्रश्न सोडविण्यासाठी प्रयत्न करण्यात येतील, असे आश्वासन त्यांनी यावेळी दिले. सूत्रसंचालन इकबाल तडकल, व सोनबा सदाफुले, यांनी केले. आभार मेलगे यांनी मानले.
