सोलापूर – पुणे रेल्वे स्थानकात प्रवेश करताना वंदे भारत गाडी रुळावरून घसरली आहे. मुंबई – सोलापूर वंदे भारत एक्स्प्रेसचा डबा सोमवारी सायंकाळी साडेसातच्या सुमारास पुणे रेल्वे स्थानकात डायमंड क्रॉसिंगवर प्रवेश करत असताना रुळावरून घसरला. यार्ड रिमॉडेलिंगचे काम सुरू असताना ही घटना घडली. कोणीही प्रवासी जखमी झाले नाहीत आणि सर्व सुरक्षित आहेत. प्राधिकरण प्रवाशांसाठी पर्यायी रेकची व्यवस्था करत आहे.
छत्रपती शिवाजी महाराज टर्मिनसवरून सोलापूरकडे जाणाऱ्या वंदे भारत एक्स्प्रेसच्या चौथ्या डब्याची एक ट्रॉली सोमवारी पुणे रेल्वे स्थानकाच्या प्लॅटफॉर्मवर १९ वाजता प्रवेश करताना डायमंड क्रॉसिंगवर रुळावरून घसरली. यामध्ये कोणीही प्रवासी जखमी झाले नाहीत आणि सर्व सुरक्षित असल्याची माहिती मिळत आहे. प्रवाशांना त्यांच्या सोयीसाठी दुसऱ्या रेकवर हलवण्याची व्यवस्था करण्यात आली आहे.
