श्रीपूर – नेवरे ता. माळशिरस येथिल जिल्हा परिषद प्राथमिक शाळेत विद्यार्थ्यांच्या आधुनिक शिक्षणासाठी उभारण्यात आलेल्या नूतन वातानुकूलित आयडियल सेंटर लॅबचे उद्घाटन शनिवारी, ४ एप्रिल २०२६ रोजी करण्यात आले.
यावेळी कार्यक्रमाच्या अध्यक्ष तथा शिक्षणाधिकारी कादर शेख यांचे शुभहस्ते प्रयोगशाळेचे उद्घाटन करण्यात आले. या प्रसंगी जि . प . सदस्य नागेश भोसले , पं . स . सदस्य आप्पासो पाटील , गटशिक्षणाधिकारी सुषमा महामुनी , विस्तारअधिकारी असलम इनामदार , भक्ति नाचणे , शाळा व्यवस्थापन समिती अध्यक्ष दयानंद पाटील , सरपंच राजाभाऊ झुरुळे उपस्थित होते.
या आधुनिक ‘ आयडियल सेंटर लॅब ’मुळे विद्यार्थ्यांना डिजिटल युगातील शिक्षण अधिक प्रभावीपणे मिळणार असून, जिल्ह्यातील ही पहिली अद्ययावत वातानुकूलित प्रयोगशाळा असल्याचे कादर शेख यांनी सांगितले . तर हा उपक्रम विद्यार्थ्यांच्या सर्वांगीण विकासासाठी महत्त्वपूर्ण ठरणार असल्याचे सुषमा महामुनी यांनी सांगितले . यावेळी आयडियल सेंटर साठी देणगी दिलेल्या सर्व देणगीदारांचा मा.कादर शेख यांच्या हस्ते सन्मान करण्यात आला.
कार्यक्रमास ग्रामस्थ, पालक, शालेय व्यवस्थापन समितीचे सदस्य व शिक्षक उपस्थित होते. कार्यक्रमाचे आयोजन मुख्याध्यापक व सर्व शिक्षकांनी केले होते .
शिक्षणाच्या आधुनिक वाटचालीकडे टाकलेले हे महत्त्वाचे पाऊल असल्याची भावना शाळेचे मुख्याध्यापक नाथसिंह देशमुख यांनी व्यक्य करत या शाळेस नुकतेच गुणवत्तेच्या आधावर मानांकन मिळवणारी तालुक्यातील एकमेव शाळा असल्याचे सांगत ग्रामस्थांच्या सहकार्यामुळे हे कार्य होत असल्याचे सांगितले .
