प्रा. उत्तमकुमार कांबळे यांनी प्रदेशाध्यक्ष नाना पटोले यांची घेतली भेट
देगलूर – बिलोली मतदारसंघाबाबत झाली सकारात्मक चर्चा
देगलूर प्रतिनिधी : साहित्यरत्न अण्णाभाऊ साठे यांच्या जयंतीचे औचित्य साधत प्रा. उत्तमकुमार कांबळे यांनी काँग्रेसचे प्रदेशाध्यक्ष नाना पटोले यांची प्रदेश कार्यालय टिळक भवन, मुंबई येथे भेट घेतली. या भेटीदरम्यान सकारात्मक चर्चा झाल्याचे सांगण्यात येते.
देगलूर महाविद्यालयाचे उप-प्राचार्य प्रा. उत्तमकुमार कांबळे यांनी 1994 ते 2009 या आठरा वर्षाच्या काळात काॅंग्रेस पक्षाच्या अनेक जबाबदाऱ्या त्यांनी पार पाडल्या. साहित्यरत्न अण्णाभाऊ साठे यांच्या जयंतीनिमित्त घेतलेल्या भेटीदरम्यान जुन्या आठवणींना उजाळा मिळाला. गेल्या काही दिवसांपुर्वी प्रा. कांबळे काॅंग्रेसमध्ये प्रवेश केले असले तरी, प्रदेशाध्यक्ष नाना पटोले प्रा. उत्तमकुमार कांबळे यांची घरवापसी झाले असल्याचे म्हणाले.
एक उच्च शिक्षित, अभ्यासू व्यक्तिमत्त्व, चळवळीतला कार्यकर्ता, सामाजिक भान असलेला नेता मिळाला, अशी सामान्य जनतेच्या चर्चेला उधाण आले आहे. येणाऱ्या काळात देगलूर बिलोली विधानसभा मतदारसंघात एक चांगला उमेदवार पहायला मिळेल अशी चर्चा रंगली आहे. प्रा. उत्तमकुमार कांबळे यांनी भारतीय राष्ट्रीय काँग्रेसचे महाराष्ट्र राज्याचे प्रदेशाध्यक्ष नाना पटोले यांची भेट घेऊन मतदारसंघाबाबत सविस्तर चर्चा केली. देगलूर बिलोली – मतदारसंघातील विविध समस्या व प्रश्नांबाबत प्रदेशाध्यक्ष पटोले यांना माहिती प्रा. कांबळे यांनी दिली. ही चर्चा एकूणच सकारात्मक झाल्याचे सांगण्यात येते. येणाऱ्या काळात देगलूर बिलोली विधानसभेची उमेदवारी प्रा. उत्तमकुमार कांबळे यांना मिळाल्यास विजय निश्चित आहे. अभ्यासू व उच्च शिक्षित प्रतिनिधी मिळाल्यास मतदारसंघाचे सोने होईल, अशी चर्चा जनतेत रंगली आहे.
