सोलापूर – छत्रपती शिवाजी महाराज यांच्या जयंतीनिमित्त छत्रपती शंभूराजे बहुउद्देशीय संस्था, श्री. रामराव शिंदे मित्र परिवार, सोलापुर चेस अकॅडमी व सोलापूर चॅम्प स्कूल यांच्या संयुक्त विद्यमाने तसेच सोलापूर डिस्ट्रीक्ट चेस असोसिएशनच्या मान्यतेने आयोजित करण्यात आलेल्या ‘शिवछत्रपती चषक’ बुद्धिबळ स्पर्धेत खुल्या गटात आंतरराष्ट्रीय गुणांकन प्राप्त सौरव साहू याने सात पैकी साडेसहा गुण प्राप्त करत विजेतेपदावर शिक्कामोर्तब केले. तर स्पर्धेतील सोलापूरचा अग्रमानांकित श्रेयांस शहा व बारामतीचा शौर्य बोंडवे, बार्शीचा शंकर साळुंके यांचे प्रत्येकी सहा गुण झाल्यामुळे सरस बुचोल्स गुणपद्धतीवर श्रेयांस, शौर्य व शंकर यांनी अनुक्रमे द्वितीय, तिसरा व चौथा क्रमांक पटकाविला. तसेच १५ वर्षे वयोगटात लातूरच्या राघव भंडारगे यानेउत्कृष्ट खेळ करत जेतेपद मिळविले व व महिला गटात प्रेरणा पवार व सान्वी गोरे यांचे प्रत्येकी पाच गुण झाल्यामुळे सरस टाय-ब्रेकमध्ये प्रेरणाने अव्वल व सान्वीने द्वितीय स्थान प्राप्त केले.
११ वर्षाखालील निवड स्पर्धेत सोलापूरचा आंतरराष्ट्रीय गुणांकन प्राप्त श्रेयस कुदळे याने आकर्षक खेळ करत सहा पैकी साडेपाच गुणांसह व बार्शीची पृथा ठोंबरे हिने पाच पैकी पाच गुण मिळवीत उल्लेखनीय कामगीरी करत जेतेपद पटकाविले तर सिद्धांत कोठारी व ओजस्वी बोराळे यांनी चांगला खेळ करत दुसरे स्थान मिळवीत जिल्हा संघातील आपले स्थान पक्के केले. तसेच विविध वयोगटात नियान कंदीकटला, लखित काबरा, मंगळवेढ्याची संस्कृती जाधव, ज्ञानदा सांगुळे यांनीदेखील सुरेख खेळ करत ९ व ७ वर्षाखालील मुले व मुलींच्या गटात प्रथम क्रमांक प्राप्त केला.
टाकळीकर मंगल कार्यालय येथे संपन्न झालेल्या या स्पर्धेचा पारितोषिक वितरण सोलापूर महाराष्ट्र राज्य जुनी पेन्शन संघटनेचे जिल्हाध्यक्ष रामराव शिंदे, मातोश्री लक्ष्मीबाई पाटील पतसंस्थेचे माजी चेअरमन राजन ढवण, बार्शीचे दत्तात्रय गोरे, टाकळीकर मंगल कार्यालय समूहाच्या व्यवस्थापिका नीलम उपाध्ये, आंतरराष्ट्रीय पंच व संस्थेचे सचिव सुमुख गायकवाड, आंतरराष्ट्रीय गुणांकन प्राप्त अतुल कुलकर्णी यांच्या प्रमुख उपस्थितीत संपन्न झाला. कार्यक्रमाचे सूत्रसंचालन राष्ट्रीय पंच संतोष पाटील यांनी केले.
विजेत्या खेळाडूंना ‘शिवछत्रपती चषक’, मेडल्स व रोख पारितोषिके मान्यवरांच्या हस्ते देऊन गौरविण्यात आले. विजेत्या ७५ खेळाडूंना एकूण रु. ३०००० ची पारितोषिके देण्यात आली. स्पर्धेत प्रमुख पंच म्हणून वरिष्ठ राष्ट्रीय पंच उदय वगरे यांनी तर सहाय्यक म्हणून वरिष्ठ राष्ट्रीय पंच रोहिणी तुम्मा-राठी, विजय पंगुडवाले, जयश्री कोंडा, प्रज्वल कोरे, यश इंगळे व पद्मजा घोडके यांनी यशस्वीरीत्या काम पाहिले.
विजेत्या खेळाडूंचे सोलापुर डीस्ट्रीक्ट चेस असोसिएशनचे अध्यक्ष धैर्यशील मोहिते पाटील, नामवंत उद्योजक रवींद्र जयवंत, नितीन काटकर, प्रशांत गांगजी, गोपाळ राठोड आदींनी अभिनंदन केले.
अंतिम निकाल (अनुक्रमे गुण व बोकोल्स गुणांसह):
खुला गट: सौरव साहू – ६.५, श्रेयांश शहा- ६(३०.५), शौर्य बोंडवे- ६(२६), शंकर साळुंके- ६(२५), सानिध्य जमादार- ५(२९.५), विशाल पटवर्धन- ५(२९), चंद्रशेखर बसरगीकर- ५(२८), देवदत्त पटवर्धन-५(२६.५), ओंकार कार्वेकर- ५(२५), नितीन अग्रवाल- ५(२४)
१५ वर्षे वयोगट: राघव भंडारगे – ६, वेदांत मुसळे- ५.५, अदिराज म्हेत्रे- ५(२९), आयुष जानगवळी- ५(२७.५), विहान कोंगारी- ५(२५), प्रवीर देशमुख- ४.५, सार्थक राऊत- ४(२९), होरम थेंमझन- ४(२६.५), आदित्य डोके- ४(२५), शार्विल डांगे- ४(२४.५),
महिला गट: प्रेरणा पवार – ५(३०), सान्वी गोरे- ५(२९.५), समृद्धी मक्तेदार- ४.५, सृष्टी गायकवाड-४(२७.५), पलक टकले – ४(२४.५), श्रीनिधी शाबादे – ४(२३), विद्या वास्कर – ४(२२.५), स्वरा कस्तुरे – ३(२५), श्रावणी मुत्येलू – ३(१९), आरोही दलाल – ३(१८.५)
११ वर्षे (मुले): श्रेयस कुदळे – ५.५, सिद्धांत कोठारी- ५(२१), हिमांशू व्हनगावडे- ५(२०), वेदांत पांडेकर- ५(१९), प्रतीक हलमल्ली- ५(१७.५), नचिकेत तोंडले- ५(१७), हर्ष जाधव- ४.५(२२.५), प्रथम मुदगी- ४.५(१९), श्रेयश इंगळे- ४.५(१६.५), नैतिक होटकर- ४(२२)
९ वर्षे (मुले): नियान कंदीकटला – ४(२०.५), नमन रंगरेज – ४(१९), कृष्णराज पटाले – ४(१६), रिषभ पामनानी – ४(१५.५), विवेक स्वामी – ३(२०)
७ वर्षे मुले: लखित काबरा – ३(१७), आरुष माने – ३(१६.५), विराज शेंडगे – २(१६), अजान शेख- २(१४), मिथिलेश होर्टिकर- २(१३)
११ वर्षे (मुली): पृथा ठोंबरे – ५, ओजस्वी बोराळे- ४(१७), सृष्टी मुसळे – ४(१४), आर्वी सदाफुले – ४(११), अनुश्री कुमठेकर – ३(१६), आहाना शेख – ३(१५), तेजस्विनी कांबळे – ३(१४), समृद्धी कसबे – ३(१३), श्रुती बनसोडे – ३(१२), स्वराली बिराजदार – ३(११)
९ वर्षे (मुली): संस्कृती जाधव – ४, हर्षा क्षीरसागर – ३(१३), इशा पटवर्धन – ३(१२), समिधा चंदनशिवे – २(११), श्रीशा हरसुर – २(१०)
७ वर्षे (मुली): ज्ञानदा सांगुळे – ३(११), अनन्या गाडे – १
उत्तेजनार्थ बक्षिसे: ऋग्वेद करजगीकर, वेदिका घरबुडवे, स्वरा दंतकाळे, संदेश गायकवाड, शिवरत्न गोरे
फोटो ओळी: ‘शिवछत्रपती चषक’ बुद्धिबळ स्पर्धेतील विजयी खेळाडूंसमवेत रामराव शिंदे, दत्तात्रय गोरे, सुमुख गायकवाड, राजन ढवण, अतुल कुलकर्णी, नीलम उपाध्ये, संतोष पाटील, भैरवी शिंदे, उदय वगरे आदी.
