जेऊर – करमाळा तालुक्यातील अंजनडोह सारख्या ग्रामीण भागात जन्माला आलेली कुस्तीपटू आश्लेषा कल्याण बागडेचे कुस्ती क्षेत्रातील यश सर्वांना अचंबित करणारे आहे.
तिने आजपर्यंत राज्य व नॅशनल सह आंतरराष्ट्रीय स्तरावर देशाचे नाव उज्जवल केले आहे.मात्र या युवा व गुणी खेळाडूकडे शासनाने किंवा एखाद्या संस्थेचे लक्ष न जाणे ही खरी शोकांतिका आहे.
वयाच्या अवघ्या दहाव्या वर्षी तिला कुस्ती खेळाची आवड लागली.एका शाळेत कबड्डीच्या संघात प्रवेश न मिळाल्याने जिद्दीने पेटलेल्या आश्लेषाला मैदानावर आपलं कोशल्य दाखवून द्यायचे होते.त्यामुळे सुरवातीला गावातील भैरवनाथ कारखान्यातीळ तालमीत सराव व नंतर पुण्याच्या आळंदीला मार्गदर्शक गुंड सरांच्या तालमीत तिने सर्व केला. व कुस्ती क्षेत्रात आपली वेगळी ओळख निर्माण केली. तिच्या घरात कुस्तीची परंपरा नाही.चुलते गाव पातळीवर कुस्ती खेळत होते पण मर्यादित स्वरूपात.
तिचे प्राथमिक शिक्षण गावातच पूर्ण तर महाविद्यालयीन शिक्षण तालुक्याच्या ठिकाणी पूर्ण झाले.
अकरावी बारावी झाल्यानंतर कुमारी आश्लेषा ही सराव करण्यासाठी आळंदीच्या कुस्ती संकुल मध्ये दाखल झाली तेथे मार्गदर्शक गुंड सरांनी तिचे कौशल्य हेरून तिला योग्य मार्गदर्शन केले.सध्या ती बीएच्या तिसऱ्या वर्षाला आहे.
2024-25 च्या महाराष्ट्र कुस्तीगीर परिषद आयोजित कुस्ती स्पर्धेत तिने उत्तम कामगिरी करून दाखवली त्यामुळेच अनेक कुस्ती अभ्यासकांच्या नजरेत ती बसली. वेगवेगळ्या ठिकाणी कुस्त्यांचे प्रेक्षणीय प्रदर्शन केल्यामुळे नॅशनल चॅम्पियनशिप स्पर्धेसाठी तिची निवड झाली. तिने तेथेही उत्तम कामगिरी करून दाखवली.दरम्यान मंगळवेढा केसरी हा बहुमान तिने मिळवला आहे.केंद्रीय कुस्तीगीर संघाने अनेक कुस्त्यांच्या फेऱ्या पूर्ण केल्यानंतर तिची कझाकीस्थान येथे भरलेल्या आशियाई कुस्ती स्पर्धेसाठी भारतीय संघात निवड केली.तिने तेथे 59 किलो वजनी गटामध्ये देशासाठी एक पदक जिंकले मात्र जिल्हा व राज्य पातळीवर म्हणावे तसे तिचे विशेष कौतुक झाले नाही तिला या क्षेत्रात पुढे जाण्यासाठी कोणतीही संस्था अथवा शासनामार्फत मदतीचा हात दिला गेला नाही
सीनियर नॅशनल स्पर्धेसाठी आंतरराष्ट्रीय पदक आवश्यक होते सोलापूर जिल्ह्याकडे आंतरराष्ट्रीय पदक जिंकणारी महिला कुस्तीपटू नसल्याने जिल्हा सीनियर नॅशनल स्पर्धा खेळू शकत नव्हता आश्लेषाने आंतरराष्ट्रीय स्पर्धेत पदक जिंकल्याने सीनियर नॅशनल स्पर्धेसाठी जिल्ह्याला संधी मिळवून देणारी सोलापूरची ती पहिली महिला पैलवान ठरली आहे.
महाराष्ट्र केसरीच्या चारही स्पर्धेत तिने गोल्ड मेडल मिळवले आहे आत्ताच झालेल्या स्पर्धेत सोलापूर जिल्ह्यातून पदक मिळवणारे महिला महाराष्ट्र केसरीतील ती एकमेव खेळाडू आहे
कुस्तीसाठी होणारा तिचा सर्व खर्च कुटुंब स्वतः करते खर्चाचा बोज सध्या अवघड होत आहे. मध्यंतरी कर्नाटक राज्यातील जिंदल कंपनीने तिला कंपनीमार्फत तेथे बोलून सुविधा देण्याचे जाहीर केले मात्र तेथे सराव व्यवस्थित होत नसल्याने तिने कर्नाटक राज्य जिंदल कंपनी सोडून दिली.
