श्री अण्णा मारुती मंदिर बाळे येथे कारुण्य सिंधू या पुस्तकाचा प्रकाशन सोहळा संपन्न

आज गुरुपौर्णिमा दिनांक 29 7 2026 रोजी श्री अण्णा मारुती मंदिर बाळे, येथे सहस्त्र चंद्र दर्शन सोहळा साजरे करण्यासाठी म्हणून कैलासवासी मोहन आजगावकर यांनी संपादित केलेले कारुण्य सिंधू हे पुस्तक यांचे प्रकाशन या गुरुपौर्णिमेचे औचित्य साधून करण्यात आले सहस्त्रचंद्रांना आपले प्रेम स्वरूप पाहण्याचे भाग्य लागते ही केवढी आनंद ची गोष्ट आणि ही गुरुमाऊली सद्गुरु श्री सुशीला माते संदर्भात खरोखर लागू पडली आणि या सोहळ्यासाठी म्हणून गुरुबंधू भगिनी यांनी आईच्या ओजस तेजस कृपेचा सहस्त्रचंद्र सोहळा श्री सद्गुरु अण्णा माऊली समवेत आणि संपन्नतेत पार पडला. आई हा जीवनातील पहिला गुरु मगच जीवन सुरू म्हणूनच मातृदेवो भव ही प्रथम वंदना या भारतीय मातीत रुजली. या वात्सल्य सिंधू पुस्तकांमध्ये भक्त गुरुबंधू भगिनींनी गुरुमाऊली सद्गुरु सुशीला माते संदर्भात आपल्या भक्तिमय भावना प्रकट केलेले आहेत. आजच्या या कार्यक्रमासाठी तरुण भारत दैनिक सोलापूर येथील प्रमुख संपादक श्री प्रशांत माने साहेब हे प्रमुख पाहुणे म्हणून लाभले होते आणि सदरील कार्यक्रमाचे अध्यक्ष स्थान श्री श्याम भाऊ देशमुख मुंबई यांनी भूषविले सदरील कार्यक्रमास श्रीमती हेमलता तासगावकर ह्याही उपस्थित होत्या. हा सर्व कार्यक्रम श्री नागेश पवार यांचे मार्गदर्शनाखाली पार पडला . या कार्यक्रमाची सुरुवात मातेस आवडणाऱ्या गीताने ते म्हणजे तुझ्याविना संसाराची… या भक्तीमय गाण्याने झाली मान्यवरांचे स्वागत श्री नागेश पवार तथा सौ भाग्यश्री पवार यांनी केले वात्सल्य सिंधू पुस्तकाबद्दलचे प्रस्ताविक श्री अनिल जाधव यांनी मांडले याप्रसंगी वात्सल्य सिंधू या पुस्तकाबद्दल श्री नागेश पवार यांनी आपले प्रकाशकीय मनोगत व्यक्त केले त्यावेळी बोलताना ते म्हणाले की हा सर्वांसाठी अमूल्य ठेवा ठरेल आणि तो सर्वांनी संग्रही ठेवावा. या कार्यक्रमात आपले मनोगत व्यक्त करताना श्री श्याम भाऊ देशमुख यांनी सांगितले की श्री अण्णा माऊलींचे स्तवन स्तोत्रात उल्लेख केल्याप्रमाणे अण्णांची धर्मांगिनी भली सुशीला सर्वांची माऊली किती सारी लेकरे मुली प्रेमा फार भिजले यावर आपले मार्मिक विचार मांडले आणि सर्व उपस्थित भक्तगणांना हेही सांगितले की आई चैतन्य होती सर्व काम जीव ओतून करायची आई इथेच आहे अण्णा इथेच आहेत ते अजिबात आपल्याला पोर्क करून गेलेले नाहीत. याप्रसंगी प्रमुख पाहुणे म्हणून बोलताना श्री प्रशांत माने म्हणाले की आज या प्रसंगी माझे मन भरून आले आहे आणि जीवनाचे सार्थक झाल्यासारखे वाटते ज्या स्थानावर माझं बालपण गेलं आयुष्य गेलं त्या सर्व आठवणी चे साक्षीदार आई अण्णा आहेत आणि आईचच पुस्तक माझ्या हस्ते प्रकाशित व्हावं हे माझ्या दृष्टीने फार मोठी गोष्ट आहे इथे जे माझ्यावर संस्कार झाले त्यामुळेच आपणांसमोर उभारण्याचं लायकीचं मी झालो सावल मनाचे धडे मला इथेच मिळाले लहानपणापासून या परिवाराचं प्रेम मी अनुभवलेला आहे श्री सद्गुरु अण्णा माउलींनी दिलेली नामस्मरण शक्ती ही अलौकिक आहे आणि ती सर्वांनी साधावी आणि नियमितपणे करावी असेही सांगितले. या पुस्तक प्रकाशन सोहळ्या चे आभार प्रदर्शन श्री अनिल जाधव यांनी केले., व आज असलेल्या गुरुपौर्णिमे निमित्त आपले विचार मांडले त्यावेळी बोलताना हे नमूद केले की गुरुराया तू माय मी लेकरू कसं तुला विसरू आणि पुढे पायोजी मैने राम रतन धन पायो वस्तू अनोख दि मेरे सद्गुरु या नामसाधना प्रित्यर्थअसलेल्या काही ओळींचा आढावा घेतला शेवटी गुरु पूर्णिमा प्रित्यर्थ काही भक्तीमय घोष करण्यात आला आणि हा सोहळा अत्यंत प्रेमपूर्वक वातावरणात, गुरूंच्या जयघोषात आणि प्रसन्न वातावरणात आणि सद्गुरु श्री अण्णा माऊली व गुरुमाऊली श्री सद्गुरु सुशीला माता यांच्या सानिध्यात पार पडला. यावेळी पुणे ,मुंबई ,कराड, बेळगाव , बेंगलोर, सोलापूर येथून आलेले बरेच भक्त बंधू-भगिनी उपस्थित होते. या सर्वांग सुंदर कार्यक्रमाची सांगता कु. वैष्णवी पंत पराडकर यांनी पसायदान गाऊन केले. यानंतर उपस्थित सर्व भक्त बंधू भगिनी यांनी गुरुपौर्णिमेनिमित्त श्री सद्गुरु अण्णा माऊली व गुरुमाऊली सद्गुरु श्री सुशीला माता यांचे दर्शन घेतले व महाप्रसादाचा आस्वाद घेतला.