माहूर : शहराची संस्कृती आणि इतिहास पुढच्या पिढीपर्यंत पोहोचावा,नागरिकांना आपल्या वारशाबद्दल अभिमान वाटावा आणि त्यातून प्रेरणा मिळावी, नागरिकांना सोईसुविधा मिळाव्यात या हेतूने शहर विकासाचा संकल्प घेतलेले माहूर नगरपंचायतचे नगराध्यक्ष फिरोज दोसानी व उपनगराध्यक्ष ज्ञानेश्वर लाड यांनी शहरातील मुख्य ठिकाण आणि ऐतिहासिक वारशाचे सुशोभीकरण करण्याचे महत्वपूर्ण काम हाती घेतले आहे. त्यापैकीच ऐतिहासिक वारसा असलेल्या भानूतिर्थ तलावाच्या सुशोभीकरणाचे काम नगरपंचायतकडून सुरू करण्यात आले आहे.
नांदेड जिल्ह्यातील माहूर शहर हे तालुका स्थळ म्हणून लोकसंख्येच्यादृष्टीने जरी छोटे असले तरी विविध स्वरूपाचा पौराणिक, ऐतिहासिक वारसा याठिकाणी लाभलेला आहे.
नगरपंचायत असलेल्या या
शहराच्या महत्त्वाच्या आणि ऐतिहासिक वास्तू, स्थळे, आणि परिसराची काळजी घेणे, त्यांची दुरुस्ती करणे, त्यांना आकर्षक बनवणे आणि पर्यटनासाठी सोयीस्कर करणे, जेणेकरून त्यांचा ऐतिहासिक वारसा जपला जाईल आणि भविष्यातील पिढ्यांसाठी प्रेरणास्थान ठरेल. यात साफसफाई, सुशोभित करणे, सोयीसुविधा निर्माण करणे
वारसा स्थळांची पडझड होऊ नये म्हणून त्यांची देखभाल आणि दुरुस्ती करणे.
शहराची संस्कृती आणि इतिहास पुढच्या पिढीपर्यंत पोहोचवणे.नागरिकांना आपल्या वारशाबद्दल अभिमान वाटणे आणि त्यातून प्रेरणा मिळणे. यासाठी शहराचा कारभार चालवणाऱ्या नगराध्यक्ष आणि उपनगराध्यक्ष व नगरसेवक यांनी नगरपंचायतचे सदस्य म्हणून निवडून आलेले प्रतिनिधी म्हणून स्थानिक स्तरावर विकासाची सूत्रे हाती घेतली असल्याचे दिसून येत आहे.
शहराचा प्रथम नागरिक म्हणून नगराध्यक्षाला ओळखले जाते.
याच जाणीवेतून नगराध्यक्ष फिरोज दोसानी व उपनगराध्यक्ष ज्ञानेश्वर लाड हे शहरातील नागरिकांच्या मूलभूत सोयी-सुविधांची (पाणीपुरवठा, स्वच्छता, दिवाबत्ती) खातरजमा करत सतत विकास कामे आणि सुशोभीकरण यावर भर देताना दिसतात. सोबत नगरसेवक हे त्यांच्या प्रभागातील जनतेचे थेट प्रतिनिधी म्हणून काम करत आहेत. या दोन्ही पदांवरील प्रतिनिधींच्या हाती शहराच्या विकासाचा आराखडा आणि भविष्यातील दिशा ठरवण्याची मोठी जबाबदारी आहे.
याच कर्तव्य भावनेने नगराध्यक्ष फिरोज दोसानी व उपनगराध्यक्ष ज्ञानेश्वर लाड यांनी संबंधित वार्डातील नगरसेवक, नगरसेविका यांना सोबत घेऊन शहरातील विविध महत्त्वाच्या ठिकाणी साफसफाई,स्वच्छता, सुशोभीकरण करण्याचे काम सुरू केले आहे. नुकतेच त्यांनी
वार्ड क्रमांक ०१ कपिलनगर येथील हिंदू स्मशानभूमीचे विकास काम सुरू केले आहे.
तसेच वॉर्ड क्रमांक ०४ येथे भानूतीर्थ तलाव परिसर सुशोभीकरण कामाची सुरवात केली आहे.
यानंतर हिंदू स्मशान भूमी, मुस्लिम कब्रस्तान,
ईद गाह परिसर,शहरातील अंगणवाड्या,अहिल्यादेवी होळकर सभागृह,मटण मार्केट, रमाई वाचनालय,
रमाई सभागृह,शॉपिंग कॉम्प्लेक्स यांसह इतर महत्त्वाच्या ठिकाणी सुशोभीकरण विकास कामे करण्यात येणार असल्याचेही नगराध्यक्ष फिरोज दोसानी यांनी सांगितले आहे. अर्थात
मुख्याधिकारी विवेक कांदे यांच्या मार्गदर्शनाखाली ही सर्व कामे करण्यात येत आहेत.
माहूर शहरातील हे महत्त्वाचे ठिकाण केवळ जुने अवशेष न राहता, सुशोभीकरण करून शहराच्या ओळखीचा आणि अभिमानाचा भाग बनवणे, नागरिकांना मुलभूत सोयी सुविधा उपलब्ध करून देणे,
हाच नगरपंचायतकडून माझा शहर विकासाचा संकल्प असल्याचे नगराध्यक्ष दोसानी यांनी सांगितले आहे.
