सोलापूर –अज्ञात कारणावरून यूपीच्या एका कामगाराने घरातील छताच्या फॅनला कापडी गमछाच्या सहाय्याने गळफास घेऊन आत्महत्या केल्याची घटना उत्तर सोलापूर तालुक्यातील सोमनाथ नगरात शनिवारी रात्री नऊ वाजता उघडकीस आली.
राज कुमार (वय ४१ वर्ष, रा. झांसी, उत्तरप्रदेश, सध्या रा. सोमनाथ नगर, उत्तर सोलापूर) असे गळफास घेतलेल्या त्या व्यक्तीचे नाव असून त्याने शनिवारी रात्री राहत्या घरी सिलिंग फॅनला कापडी गमछाच्या सहाय्याने गळफास घेतला असल्याचे घरच्यांच्या निदर्शनास पडले. त्याला शेजारी व नातेवाईकांनी खाली उतरवून येथील शासकीय रुग्णालयात दाखल केले असता डॉक्टरांनी त्याला मृत घोषित केले.
