रामानंद सागर यांच्या रामायण शोमधील कलाकारांना मोठी प्रसिद्धी मिळाली. बालकलाकार म्हणून काम केलेल्या लव-कुश यांनाही मोठी पॉप्युलॅरिटी मिळाली. रामायणातून प्रसिद्ध झालेले हे बालकलाकार आता काय करतात?
रामायण सागर यांचा रामायण शो तुफान गाजला. आज तीन दशकांनंतरही या शोच्या पॉप्युलॅरिटीमध्ये कमी आलेली नाही. करोना काळात लॉकडाउन असताना या रामायण शो पुन्हा एकदा टीव्हीवर दाखवण्याची मागणी करण्यात आली होती. चाहत्यांच्या मागणीनंतर पब्लिक डिमांडवर रामायण शो लॉकडाउन काळात २०२० मध्ये टीव्हीवर प्रसारित करण्यात आला होता. केवळ लॉकडाउनच नाही, तर त्याआधीही अनेकदा रामायण टीव्हीवर पुन:प्रसारित करण्यात आलं होतं. २५ जानेवारी १९८७ मध्ये रविवारी रामायणचा पहिला एपिसोड टीव्हीवर दाखवण्यात आला होता. आज या शोला जवळपास ३६ वर्ष उलटली असली, तरीही रामायण शोचा चाहतावर्ग कमी झालेला नाही. या शोमधून अनेक कलाकारांना मोठी प्रसिद्धी मिळाली. त्यावेळी लहानपणीच्या लव आणि कुश यांची भूमिका साकारणाऱ्या बालकलाकारांनाही प्रेक्षकांनी डोक्यावर घेतलं होतं.
रामायणातील लव-कुश आता काय करतात?रामायणमध्ये श्री रामांची भूमिका अभिनेते अरुण गोविल यांनी, तर माता सीतेची भूमिका अभिनेत्री दीपिका चिखलिया यांनी साकारली होती. या दोघांच्या भूमिकांना प्रेक्षकांचं मोठं प्रेम मिळालं. रामायण मालिकेत लव आणि कुश यांच्या भूमिकेत दोन बालकलाकार होते. हे बालकलाकार आता मोठे झाले असून आपापल्या इंडस्ट्रीत त्यांनी मोठी प्रसिद्धी मिळवली आहे.
३५ वर्षांपूर्वी एकत्र आलेले लव-कुश आता कुठे आहेत?जवळपास ३५ वर्षांपूर्वी एकत्र अभिनयात करिअरची सुरुवात करणारे लव-कुश आता वेगवेगळ्या मार्गांवर आहेत. दोघांपैकी एक लव आज सिनेसृष्टीतील स्टार अभिनेता आहे, तर कुश व्यावसायिक जगात मोठ्या पदावर कार्यरत आहे. बालपणातील लवची भूमिका साकारणारा बालकलाकार मयुरेश क्षेत्रमाडे होता. तर कुशची भूमिका साकारणारा बालकलाकार स्वप्निल जोशी होता. आज हे दोघेही आपापल्या क्षेत्रात पॉप्युलर असून त्यांनी स्वत:ची वेगळी ओळख निर्माण केली आहे.
स्वप्निल जोशीने साकारलेली कुशची भूमिकाकुश बनलेला बालकलाकार आज मराठी सिनेसृष्टीतील मोठं नाव आहे. स्वप्निल जोशी मोठ्या पडद्यावरील लोकप्रिय अभिनेता आहे. तर लवची भूमिका साकारलेला मयुरेश क्षेत्रमाडे आज विदेशात मोठ्या पदावर कार्यरत आहे. मयुरेश क्षेत्रमाडेने अभिय क्षेत्राला रामराम करुन आज तो बिजनेस क्षेत्रात गाजलेलं नाव आहे. बालकलाकार म्हणून रामायणातून पॉप्युलर झालेल्या लव अर्थात मयुरेशने या शोनंतर अभ्यासाकडे लक्षकेंद्रित केलं. तो सध्या अमेरिकेतील न्यू जर्सीमध्ये त्याच्या कुटुंबासोबत स्थायिक आहे.
रामायणातील लव आज अमेरिकेत स्थायिकमयुरेश कमिशन जंक्शन एफिलिएट या प्रायव्हेट कंपनीचा अध्यक्ष आणि सीईओ आहे. तो अमेरिकेतील यशस्वी उद्योजक असल्याची माहिती आहे. त्याआधी मयुरेशने अनेक कंपन्यांमध्ये व्यवस्थापकीय संचालकपद भूषवलं होतं. मयुरेश कंपनीचा सीईओ असण्यासह लेखकही आहे. त्याने दोन परदेशी लेखकांच्या सहाय्याने स्पाईट अँड डेव्हलपमेंट नावाचं पुस्तकही लिहिलं आहे. कॉर्पोरेट जगावर आधारित त्याने लिहिलेलं हे पुस्तक अतिशय महत्त्वपूर्ण मानलं जातं.
रामायण ठरला जगातील सर्वाधिक पाहिला गेलेला शो
रामायण मालिकेने यातील कलाकारांना मोठी प्रसिद्धी मिळवून दिली. ८०च्या दशकात टीव्हीवर आलेला रामायण शो आजही पॉप्युलर आहे. ५५० दिवस गुजरातमध्ये या शोचं शूटिंग सुरू होतं. तर काही शूट चेन्नईत करण्यात आलं होतं. रामायण जगभरात आतापर्यंत सर्वाधिक पाहिलेला एकमेव शो ठरला. २०२० मध्ये लॉकडाउन काळात हा शो ७.७ कोटी लोकांनी पाहिला. हा वर्ल्ड रेकॉर्ड झाला होता.
Post Views: 88
