कॅनडातील अल्गोमा विद्यापीठात १३० विद्यार्थी एकाच विषयात नापास झाले आहेत. यानंतर पालकांसह मुलांनी आंदोलन केले आहे. नापास झालेल्या विद्यार्थ्यांमध्ये बहुतांश विद्यार्थी पंजाबमधील आहेत.
ओंटारियो येथील अल्गोमा विद्यापीठात शिकणारे १३० विद्यार्थी एकाच विषयात अनुत्तीर्ण झाले आहेत. यानंतर विद्यार्थ्यांनी बेमुदत संप सुरू केला आहे. यातील बहुतांश विद्यार्थी पंजाबमधील आहेत. आयटी विषयात १३० विद्यार्थी नापास झाल्याचा आरोप आंदोलक विद्यार्थ्यांनी केला आहे. जे अनुत्तीर्ण झाले ते सर्व इतर देशांतील आहेत. त्यांना उत्तीर्ण करून पुढील सत्रात प्रवेश देण्याची मागणी आंदोलक विद्यार्थी करत आहेत.
एका विद्यार्थ्याने सांगितले की, तो नऊ विषयांत उत्तीर्ण झाला आहे. त्याने सिस्टम अॅनालिस्ट विषयाचा प्रॅक्टिकलही केला आहे. मात्र या विषयाच्या लेखी परीक्षेत तो नापास झाला आहे. सर्व विद्यार्थ्यांना नापास करणारा एकच प्राध्यापक असल्याचे विद्यार्थ्यांचे म्हणणे आहे. या विषयाचा पेपर दुसऱ्या शिक्षकाकडून तपासावा, अशी मागणी आंदोलक विद्यार्थ्यांनी विद्यापीठाकडे केली आहे. या मागणीबाबत विद्यार्थ्यांनी बेमुदत आंदोलन करण्याचा निर्णय घेतला आहे. त्यांना जाणीवपूर्वक नापास करण्यात आल्याचा आरोप विद्यार्थ्यांनी केला आहे. त्यांचा निकाल १ जानेवारीला तर इतरांचा निकाल ३१ डिसेंबरला जाहीर झाला.
एवढेच नाही तर पुढील प्रवेशासाठी ७ जानेवारीपर्यंत मुदत देण्यात आली असून, त्यामुळे या सर्व १३० विद्यार्थ्यांचे भवितव्य अधांतरीच अडकले आहे. याप्रकरणी विद्यापीठाचे म्हणणेही पुढे आले असून व्यवस्थापनाने तपासाबाबत सांगितले आहे. विद्यापीठाचे म्हणणे आहे की, आम्ही वरिष्ठ प्राध्यापकांना विद्यार्थ्यांशी बोलण्यास सांगितले आहे. विद्यार्थ्यांची चिंता गांभीर्याने घेत विज्ञान शाखेच्या डीनच्या नेतृत्वाखाली चौकशी समिती स्थापन करण्यात येत आहे. वास्तविक, एका विषयाची किमान फी ४ लाख रुपये आहे, जी विद्यार्थ्यांना पुन्हा भरावी लागेल.
