वसंतरावजी नाईक यांच्या जयंती निमित्त परळीत बंजारा समाजाने काढली भव्य शोभा यात्रा
परळी वै ता.१९ प्रतिनिधी
हरितक्रांतीचे प्रणेते महाराष्ट्राचे माजी मुख्यमंत्री वसंतरावजी नाईक यांच्या १११ व्या जयंती निमित्त शुक्रवारी (ता.१९) परळी शहरातुन बंजारा समाजाच्या वितीने पारंपरिक वेशभूषा परिधान करून भव्य शोभायात्रा काढण्यात आली. शोभायात्रेचा समारोप मेळाव्यात मान्यवरांच्या मार्गदर्शनाने झाला.
हरितक्रांतीचे प्रणेते महाराष्ट्राचे सर्वाधिक काळ मुख्यमंत्री पदी राहिलेले वसंतरावजी नाईक यांच्या १११ व्या जयंती निमित्त शुक्रवारी (ता.१९) परळी शहरात विविध कार्यक्रमांचे आयोजन करण्यात आले होते.
शहरातील संत सेवालाल महाराज चौकात सकाळी दहा वाजता पांढऱ्या ध्वजाचे ध्वजारोहण करण्यात आले. सकाळी अकरा वाजता छत्रपती शिवाजी महाराज यांच्या पुतळ्यास पुष्पहार घालून वसंतरावजी नाईक यांच्या प्रतिमेची भव्य शोभायात्रा काढण्यात आली. छत्रपती शिवाजी महाराज चौकातुन निघालेली शोभायात्रा बसस्थानक, एकमिनार चौक, कृषी उत्पन्न बाजार समिती, राणी लक्ष्मीबाई टॉवर येथुन लोकनेते गोपीनाथराव मुंडे नटराज रंग मंदिरा पर्यंत काढण्यात आली. शोभायात्रेत पारंपारिक पोशाखातील महिलांची संख्या मोठी होती.
शोभायात्रेचे मुख्य आकर्षण असलेले हालगी वादक हे पारंपारिक पोशाखातील व बंजारा समाजातील होते. त्यांना पाहण्यासाठी शहरातील नागरीकांनी मोठी गर्दी केली होती. शोभायात्रेचा समारोप मेळावा घेउन करण्यात आला. यावेळी तांडा सुधार समितीचे जिल्हाध्यक्ष पप्पु चव्हाण,
राष्ट्रवादी युवक काँग्रेसचे जिल्हाध्यक्ष सुशांत पवार, वसंतराव जयंती उत्सव समितीचे अध्यक्ष प्रा. आकाश राठोड, सचिव विकास पवार, उपाध्यक्ष सचिन चव्हाण, कोषाध्यक्ष प्रविण पवार, आणि बंजारा समाजातील विविध तांड्याचे आजी माजी सरपंच उपसरपंच ग्रामपंचायत सदस्य मोठ्या संख्येने सहभागी झाले होते.
